Топтық динамика туралы ілімнің қалыптасуы мен дамуы Курт Левин есімімен байланысты. Бұл ілім ХХ ғасырдың 30 жылдары дами бастады. Ол кезде педагогика, әлеуметтік жұмыс және медицинаның бір бөлігінде топтық жұмыстың алуан түрі кеңінен пайдаланылды. Осы жұмыстың нәтижесінде топ құрылымындағы топтың даму үрдістері маңызды орынға ие болды, олардың белгілі бір заңдылықтары пайда болды. Демек, топтық жұмыс барысында психология және педагогика теориясында сол кезеңде анықталмаған феномендердің орны болды. Әлеуметтік психология саласында қызмет еткен К.Левин шағын топтардың дамуы мен қызметіне көп көңіл бөлді. Жеке алғанда, ол топтық өзарабайланыс мәселесімен айналысты. Сонымен 1939 жылы «Әлеуметтік кеңістіктегі тәжірибе» атты мақаласын жариялайды, ол мақаласында ғалым «топтық динамика» деген сөді алғаш рет пайдаланып, оған анықтама береді, негізгі сипаттамасын ашады.
Топтық динамика (Левин) – осы топқа әсер ететін жағымды және жағымсыз күштерді зерттейтін пән.
1945 жылы Масачусет қаласының технологиялық университетінде топтық динамиканы оқыту бойынша Орталық құрылады. 1948 жылы (1947 жылы Левин қайтыс болғаннан кейін) Орталық Мичиган университетіне ауыстырылады, аталмыш университет қазір де бар.
2. Топтық динамиканың негізгі элементтерінің сипаттамасы.
2. Топтық динамиканың негізгі элементтерінің сипаттамасы.
Топтық динамика ұғымына 5 негізгі элемент жатады:
Топтың мақсаты.
Топтың нормасы.
Топтың құрылымы мен көшбастаушылық мәселесі.
Топтың дамуының сатылары мен кезеңдері.
Топтық динамика элементтері дегеніміз – тіршілік барысында топтың психологиялық өзгерістерін белгілеп, қамтамасыз ететін, топта болып жатқан барлық үрдістер.
Біріккен топтың әлеуметтік-психологиялық сипаттамасы:
Топқа қатысушылар бір-бірімен көп араласады.
Топтың қатысушылары бір-біріне ашық әсер етеді.
Қатысушылар топтан сирек кетеді.
Топқа қатысушылар бір-біріне қастық жасамайды және жеңіл қарым-қатынас жасайды.
