Суспензиялар - (Suspensіones) - официналды дәрілік түр. ҚР МФ, т.1. «Оральдік қолданылатын сұйық дәрі-дәрмектер» жалпы мақаласына енгізілген.
Суспензия - сұйық дисперстік ортада ерімейтін қатты дисперстік фазадан тұратын ішуге, сыртқа, шаншуға қолданылатын микрогетерогенді сұйық дәрілік түр.
Гидрофильді заттар гидрофильді-ісінбейтін және гидрофильді-ісінетін болып бөлінеді.
Барлық дәрілік түрлер секілді суспензиялардың да артықшылықтары мен кемшіліктері бар. Артықшылықтары:
суспензия түрінде еріткіштерде ерімейтін дәрілік заттарды босатуға болады,
әсер ету белсенділігі бойынша суспензиялар ерітінділер мен майда ұнтақтар арасынан орын алады, яғни ерітінділерден жоғары ұнтақтардан төмен әсер етеді.
Ұнтақтармен салыстырғанда суспензиялар тез терапевтік әсер көрсетеді.
Суда ерітілген дәрілік заттардың сулы ерітінділері ағзадан тез шығарылады, ал суспензиялар ұзақ әсер етеді.
Кемшіліктері:
технологиясы қиын;
тұрақсыз;
сақтау мерзімі қысқа;
дәл дозаланбайды.
Сондықтан суспензия түрінде улы және күшті әсер ететін дәрілік заттарды босату мүмкіндігі жоқ.
Құрамына және дайындау тәсіліне байланысты суспензиялар:
Ірі суспензиялар (бөлшектерінің өлшемдері 1-100 мкм аралығында);
майда суспензиялар (бөлшектерінің өлшемдері 0,1-1 мкм аралығында) болып бөлінеді.
Бұл заттар суда ерімейді, бірақ сумен жеңіл шыланады.
Суспензияларға қойылатын талаптар:
бөлшектердің өлшемдері 50-100 мкм болуы;
суспензиялар термодинамикалық тұрақты болуы керек, ол дәрілік заттың жеткілікті дәл дозалауын қамтамасыз етеді.
Суспензиялар концентрациясы 3%дан төмен болса салмақ-көлемдік әдіспен дайындалады. Дисперстік фазаның концентрациясы 3% және одан жоғары болса, суспензиялар салмақтық әдіспен дайындалады. Суспензияларды түссіз құтыда босатады. Ескерту: «Қолданар алдында шайқа» этикеткасымен безендіріледі.
Суспензиялар екі тәсілімен дайындалады: дисперсиялық, конденсациялық. Дисперсиялық тәсілдің мәні механикалық диспергирлеу, ерімейтін ірі заттарды сұйық ортада майдалау процесі. Технологиясы келесі сатылардан тұрады:
