Байланысты: 1. Ä?ð³ëåð òåõíîëîãèÿñû ?ûëûì ðåò³íäå. Ä?ð³ëåð òåõíîëîãèÿñûíû? í
Сыйымсыздықтарды болдырмау жолдары. Сыйымсыздықтарды болдырмау жаңа технологиялық әдістерді, тәсілдерді және қосымша заттарды қолдану арқылы шешіледі. Сыйымсыздықтарды болдырмаудың негізгі тәсілдерін төмендегідей жіктеуге болады: жазылым құрамын өзгертпей технологиялық амалдарды қолдану, жазылым құрамына қосымша заттар енгізу немесе жазылым құрамын өзгерту, кейбір дәрілік заттарды алмастыру, дәрілік түрді алмастыру, бөлек босатылатын компоненттің бірін бөлу. Сыйымсыздықты болдырмау әдісін таңдау сыйымсыздықтың физикалық және химиялық себептерімен, дәрілік форманың түрімен, қосымша заттардың болуымен және басқа факторлармен анықталады. Сыйымсыздықты болдырмау мүмкіндігін жүзеге асырудың міндетті түрдегі жағдайы - препараттың күтілетін терапевтік эффектісін қамтамасыз ету болып табылады. Мұның бәрі фармацевт-технологтың жоғары профессионалдық компетенттілігін талап етеді. Жазылым құрамын өзгертпей технологиялық тәсілдерді қолдану. Бұл тәсіл күрделі препарат ингредиенттерін белгілі ретпен ерітуді (араластыруды) талап етеді. Мысалы, құрамында алкалоидтар немесе жасанды азотты негіздер (әлсіз негіз және күшті қышқыл тұздары) - ортасы сілтілі реакциялы заттармен үйлесетін микстураларды дайындаған кезде компоненттерді белгілі бір ретпен еріту ұсынылады
Ингредиенттердің сыйымсыздығы немесе араласпауы. Консистенциясы, агрегаттық жағдайы әртүрлі заттарды біріктіру, гидрофобты заттарды, мысалы, өсімдік майларын, сұйық парафинді, қара майды сулы ерітінділермен, этанолмен, глицеринмен және басқа да сұйықтықтармен біріктіру кезіндегі ингредиенттердің араласпауы - сыйымсыздықтың себебі болуы мүмкін.
