Сутегі атомы үшін Шредингер теңдеуін шешкендегі схемаға ұқсас схема бойынша шешу мына нәтижені береді:
мұндағы c1 - атомдық калдықтың дипольдық моментінің мәнін сипаттайтын тұрақты; ∆l -кванттық ақау. ∆l–ның l-ден тәуелді болуы себепті п -дері бірдей және l-дері әртүрлі деңгейлер жіктеледі. Сілтілік металл атомдарының l-дері әртүрлі, бірақ п -дері бірдей деңгейлері бір-бірінен салыстырмалы алыс орналасады (Н атомында деңгейлер бойынша азғындалған). Қоздыру энергиясы өскен сайын сілтілік металл атомдарының деңгейлері бұларға сәйкес Н атомы деңгейлеріне жақындайтындығы байқалады. Сондықтан белгілі энергиядан бастап сілтілік металл атомдары күйлерінің «сутегі тәрізділігі» жайында айтуға болады. Мысалы, Nа атомында 3d,4d,... күйлер немесе барлық сілтілік металл атомдарында f-күйлер сутегі тәрізді болып табылады (2-сурет).
Сілтілік металдар атомдарының спектрінде төрт серия белгілі (3-сурет): Бас серия Диффузиялық серия Айқын серия Іргелі серия Оң жақтағы бірінші мүшелер - тұрақты термдер (сериялардың шектері), ал екінші мүшелер - айнымалы термдер. Осы сериялар сызықтарының нәзік түзілісін қарастырайық. Спектрдің ең интенсивті сызығы бас серияның n2s-n2p резонанстық сызығы болып табылады. Ол n2s1/2-n2p1/2және n2s1/2-n2p3/2 екі нәзік жіктелу сызықтарынан тұрады. Мәселен, натрийда осы сызық сары дублеттен тұрады: D1 (λ=589,6нм) және D2 (λ=589,0 нм). Дублеттік терм деңгейлерінің арақашықтықтары -ке сәйкес n өскенде кішірeйеді, сондықтан бас серия сызыктары тарыла түсетін дублеттер түрінде болады. Айқын серия сызықтары осыған ұксас дублеттік сипатта болады. Бірақ әрбір дублет сызыктарының арақашыкгыктары бірдей болады, өйткені әрбір сызық бір 2р дублеттік жіктелумен анықталады(4-сурет).
