64. Жаһандану: түсінігі және мазмұны. Жаһандану (глобализация – ағылш. Global — «әлемдік», «дүниежүзілік», «жалпы») деп жоғары және компьютерлік технология негізінде жұмыс істейтін жаңа жалпыәлемдік экономикалық-қаржы, саяси, мәдени және ақпараттық тұтастықтың, бірыңғайлықтың құрылу процесі айтылып жүр, онда ешқандай шекара жоқ, әлем біркелкі болады. Жаһанданудың нәтижесінде әлем барған сайын бір-бірімен байланысты, бір-біріне тәуелді бола түсуде. Жаһандану – адамзат қоғамы дамуының ғасырлар бойғы барысында жинақталған озық тәжірибелер жиынтығының халықтар арасына кеңінен тарауы. Жаһандану қоғамның барлық саласын қамтитын көп қырлы процесс. Жаһанданудың негізгі құрамдас бөліктері: экономикалық, саяси, мәдени, ақпараттық жаһандану т.б.
