-бағыт. Индустрияландыру және экономикалық

Рұқсат алуды оӊтайландыру. Құрылысқа рұқсат алудың үш сатылы («30-20-10») қағидаты енгізіледі. Бірінші саты - архитектуралық жобалау тапсырмасын беру өтініш берілген күннен кейін 30 күн ішінде жүзеге асырылады. Екінші - эскиз жобаны (дизайн-жобаны) мақұлдау - 20 күнге дейін, үшінші - рұқсаттыӊ өзі - 10 күн ішінде. Жобалау-сметалық, жобалау құжаттарын сараптамадан өткізуге байланысты мемлекеттік монополиядан біртіндеп бас тарту. Жобаларды сараптауды бәсекелесті ортаға тапсыру. Кеӊестік кезеӊнен бері қолданылып келе жатқан құрылыстың ескірген нормалары мен ережелерінің орнына еурокодтар жүйесін енгізу. Жаӊа нормативтерді қабылдау инновациялық технологиялар мен материалдарды қолдануға, құрылыс қызметі нарығындағы қазақстандық мамандардыӊ бәсекеге қабілеттілігін арттыруға, сонымен бірге құрылыс саласындағы шетелдік қызмет нарығына қазақстандық компаниялардыӊ шығуына мүмкіндік береді.

Қазақстанның әлемдік нарыққа шығуы, экспорт тауарлары үшін өңдеу өнеркәсібіне ең кемінде 10 трансұлттық компанияны тарту. Экономиканыӊ басым секторларында халықаралық стратегиялық серіктестермен («Эйр Астана», «Теӊіз-Шевройл», ҚТЖ локомотивтерін шығару жөніндегі зауыт үлгісі бойынша) бірлескен кәсіпорындар құру. Шетелдерден жоғары білікті мамандар тарту үшін АҚШ, Канада, Австралия үлгісі бойынша қолайлы көші-қон режимін қалыптастыру.

Қазақстанды халықаралық көлік-коммуникациялық ағымдарға интеграциялау. «Еуразиялық трансконтиненталдық» көлік дәлізін құру жобасын іске қосу. Ол Азиядан Еуропаға жүктер транзитін кедергісіз жүзеге асыруға мүмкіндік береді (1-бағыт – Қазақстан-Ресей-Еуропа. 2- бағыт - Қазақстан аумағы арқылы Қорғастан Ақтау портына дейін, одан әрі Каспий теӊізі мен Әзербайжан, содан соӊ Грузия арқылы).

Халықаралық авиациялық хаб құру. Стратегиялық инвесторды тарту арқылы Алматы іргесінен әлемдік стандартқа сәйкес келетін халықаралық жаңа әуежай салынады. «Эйр Астана» халықаралық бағыттарға ыӊғайластырылады және әлемніӊ негізгі қаржы орталықтарына (Нью-Йорк, Токио, Сингапур) жаӊа бағыттар ашады. Азаматтық авиация комитетініӊ қызметі британ азаматтық авиациясы мемлекеттік агенттігініӊ және ЕО авиация қауіпсіздігі агенттігініӊ үлгілеріне бағдарланатын болады.

Астананы зерттеушілерді, студенттерді, кәсіпкерлерді, барлық өӊірлерден туристерді тартатын Еуразияның іскерлік, мәдени және ғылыми орталығына айналдыру. Astana ЭКСПО - 2017 инфрақұрылымдары арқауында Астана халықаралық қаржы орталығын (аіғс) құру. Оның заӊды мәртебесін конституцияда бекіту, оны ТМД, Батыс және Орталық Азияныӊ барлық өӊірлерініӊ елдері үшін қаржы хабы ретінде қалыптастыру. Болашақта Қазақстанның қаржы хабы әлемнің 20 алдыңғы қатарлы қаржы орталықтарының қатарына енуі тиіс. Қаржы орталығы аумағында ресми тіл ретінде ағылшын тілін енгізу. Қаржы орталығыныӊ жетекші қаржы орталықтарымен жүйелі және жайлы әуе қатынасы жүйесін құру.

ЭЫДҰ (Экономикалық ынтымақтастық пен даму ұйымы, нарықтық экономикалы 34 елдің қоғамдастығы, мақсаты: қатысушы елдердің экономикалық саясатын соның ішінде дамушы елдерге көмектесу мәселелері жөніндегі саясатын үйлестіріп отыру. 1961 ж. құрылған, штаб-пәтері Парижде) елдері стандарттарыныӊ негізінде адам капиталыныӊ сапасын көтеру, 12 жылдық білім беруді кезеӊ-кезеӊімен енгізу, мектептегі оқыту стандарттарын жаӊарту. Экономиканыӊ алты негізгі саласы үшін 10 алдыңғы қатарлы колледж бен 10 жоғары оқу орнында білікті кадрларды әзірлеу, кейіннен бұл тәжірибені еліміздіӊ басқа оқу орындарына тарату. Назарбаев университеті тәжірибесін ескере отырып, ЖОО-лардың академиялық және басқарушылық дербестігін кезеӊ-кезеӊімен кеӊейту. Білім беру жүйесінде - жоғары сыныптар мен ЖОО-ларда ағылшын тілінде оқытуға кезеӊ-кезеӊмен көшу. Басты мақсаты -даярланатын кадрлардың бәсекелестік қабілетін арттыру және білім беру секторының экспорттық әлеуетін көтеру.

Міндетті әлеуметтік медициналық сақтандыруды енгізу. Бастапқы медициналық-санитарлық көмекті (бмск) басымдықпен қаржыландыру. Бастапқы көмек аурудыӊ алдын алу және ерте бастан күресу үшін ұлттық денсаулық сақтаудыӊ орталық буынына айналады. Жекеменшік медицинаны дамыту, медициналық мекемелерге корпоративтік басқаруды енгізу. Мемлекеттік медициналық ұйымдарды жекешелендіруді ынталандыру. Денсаулық сақтау және әлеуметтік даму министрлігі қасынан медициналық қызмет сапасы бойынша бірлескен комиссияны құру. Басты мақсат: медициналық қызмет көрсетудіӊ алдыӊғы қатарлы стандарттарын енгізу (емдеу хаттамалары, кадрлар әзірлеу, дәрі-дәрмекпен қамтамасыз ету, сапаны және қолжетімділікті бақылау).

Жаӊа еңбек кодексін әзірлеу. Әлеуметтік көмек оған шынымен зәру азаматтарға ғана берілетін болады.