Саяси биліктің белгілері: 1) үлкен әлеуметтік топтар, мемлекеттер, қауымдастықтар, қоғамдық ұйымдар арасындағы қатынастар; 2) жоғарылығы, оның шешімдерінің бүкіл қоғам, биліктің басқа да түрлері үшін міндеттілігі, кез келген қоғамдық процестерге араласа алуы. Саяси билік қуатты корпорациялардың, БАҚ-ның т.б. мекемелердің ықпалын шектей алады немесе оларды мүлдем жоя алады; 3) жариялылығы, яғни жалпыламалығы. Бұл жеке, бейресми, шағын, байланыс топтарының билігіне қарағанда саяси биліктің бүкіл қоғамның атынан әрекет етуі; 4) саяси биліктің субъектісі (мысалы, мемлекет) сол қоғам шеңберінде ашық түрде мәжбүрлей алады, бұл мәжбүрлеу мемлекет аумағында мемлекеттік күштеу құрылымдары арқылы жүргізіледі; 5) бір орталықтан шешім қабылдауы, басқаруы; 6) түрлі ресурстарды пайдалануы (экономикалық, әлеуметтік, мәжбүрлеу, мәдени-ақпараттық т.б.); 7) сатылылығы.
