12 I тарау. Полиграфия және полиграфиялық өнім туралы
Өңірбеттерге қолмен қондыру
жүктеу/скачать 62,04 Mb.
|
Базилов Ж.Ж.
- Бұл бет үшін навигация:
- Блоктарды қаптамаларға машинамен қондыру.
- Гильзаға қондыру
| Өңірбеттерге қолмен қондыру. Шағын полиграфиялық кәсіпорындарында блоктарды қаптамаға қолмен қондырады: өңірбеттерге жалпақ шашақтың көмегімен, блокты ұштары тұқыл ағаш немесе пластмасса тиектер бар тақтайға жайып, желім жағады. Желімделінген блокты жиектерінің көлеміне және отставтың жақын жиегіне бағдарлап, жазылған мұқаба қаптамасына жабады, одан соң каптаманың бос жағын блоктың түбімен жоғарғы өңірбетке карай кере тартады. Дайын кітаптарды түптерін әр жаққа қаратып, престеу және престелінген күйде кептіру үшін бумаға жинайды. Блоктарының қалыңдықтары 4-6 мм дейінгі көлемі шағын басылымдардың қаптамаларына блоктарды қолмен қондырғанда қаптаманың ішкі бетін желімдеуге болады, өйткені өңірбеттерді желімдейтін кезде жіңішке блоктың қиындыларының шетіне желім ағып, парақтар жабысып қалулары мүмкін.
Блоктарды қаптамаларға машинамен қондыру. Орташа және ірі полиграфиялық кәсіпорындарда: 2БВ-270 (Ходоровск зауыты, ЗПМ Украина), ЕМР және КЕ «Корус» фирмасы, (Германия) ағынды желілерінің құрамдарына енетін кітап салғыш машиналар мен автоматтар қолданылады, оларда блоктарды қаптамаға қондыруға қатысты барлық операциялар: өңірбеттерге желім жағу, қаптаманы біріктіру және блокқа байланысты орталықтандыру мен жақтары қысу - автоматтандырылған. ЕМР автоматтары блоктарының қалыңдықтары 8 ден 50мм дейінгі үлкен форматтарды (70x90/32 және 84x108 64-тен 84x108/16 дейінгі) қондыруға және 45тен 50 цикл/мин жылдамдықпен жұмыс істеуге, ал КЕ автоматы -шағын және орташа, қалыңдықтары 1 ден 28мм дейінгі, өлшемдері (60x110/128 ден 84x108/32 дейінгі) басылымдарды 35 цикл/мин жылдамдықпен безендіруге арналған. Гильзаға қондыру - шағын полиграфиялық кәсіпорындарда гильзаға қондыру қолмен орындалады. Қолмен қондырғанда блок түбіне желім жағып, гильзаға оның ағымының саңылауларына еркін енетіндей қағаз жолағын салады. Блокты қаптамаға қондырғаннан (алдымен гильзаға, содан соң өңірбеттерге), кітапты престеп, кептіргеннен кейін қағаз жолақтарын гильзадан алып тастайды. Орташа және ірі полиграфиялық кәсіпорындарда гильзаға қондыру «Колбус» фирмасының (Германия) ағын желілерінде орындалады. жүктеу/скачать 62,04 Mb. Достарыңызбен бөлісу:
|