12 I тарау. Полиграфия және полиграфиялық өнім туралы

1. 
   Материалдарды дайындау (қағаз, қатырма, бояу, пленка, целлофан және синтетикалық материал).
   
2. 
   Шығыңқы және флексографиялық басылым материалдарын дайындау.
   
3. 
   Бояу аппараттарын, қағаз өткізетін және шығару-қабылдау қондырғыларын даярлау технологиясы.
   
4. 
   Реттеу және сапалы баспа-таңбалар алу үшін қажетті шарттар.
   
5. 
   Баспа-таңбалар мен бүкіл таралымды басу және олардың сапасын бақылау.
   

Ойыңқы басылымның табақтық машиналарының жалпы түрі мен жұмыс принципіне қарай, жоғары басылымның ротациялық машиналарына ұқсас. Олар – принципі жағынан, қағаз беретін аппаратты және қабылдау құрылысымен, әрі басқа да бірқатар механизмдерімен (бақылау-реттеу) бірдей. Ойыңқы басылым машиналарының негізгі ерекшеліктері:

• 
  бұл машиналар тек ротациялық типті, олардың әрқайсысы ауысымды қалыптық цилиндрдің арнайы жиынтығымен жабдықталынады;
  
• 
  ойыңқы басылымда сұйық басылым бояулары қолданылатындықтан, ал басылым қалыбындағы баспа элементтері ойылғандығынан, бояу аппараттары құрылыстары жағынан қарапайым, бояу беретін жағатын және жаятын жүйелері жоқ;
  
• 
  әрбір бояу аппараттарында ракель қондырғысы бар, басылым қалыбының ашық элементтерінен бояуды алып тастап және баспа элементтеріндегі артық бояудың алынып тасталуын қамтамасыз етеді
  
• 
  әрбір басылым секциясының басылым процесінде сұйық бояудың (ұшып кететін еріткіші бар) баспа-таңбаларда тез бекуін қамтамасыз ететін құрғату қондырғылары бар.
  
• 
  машинаның басылым секциясы мен құрғату қондырғылары арнайы қаптамалармен жабылады, бұл улы еріткіштер буының қоршаған ауаға араласуына кедергі жасайды. Толуолдың буы, мысалы, желдеткіш сорғыштармен рекуперациялық қондырғыларға бағытталады. Олар буды алғашқы сұйық жағдайға келтіріп, қоршаған ортаның ластануын едәуір азайтады.
  

1 - пневматикалық қағаз бергіш