Құқық бұзушылық дегеніміз - кінәлі, құқыққа қайшы, қоғамның, мемлекеттің және жеке тұлғалардың мүдделеріне зиян келтіретін тұлғаның қоғамға қауіпті әрекеті.
Құқық бұзушылықтың белгілері: а) әрекет (әрекетсіздік); б) кінә; в) құқыққа қайшылық; г) зиян; д) жасалған әрекет пен одан туындаған зардап арасындағы себепті байланыс; е) заңдық жауаптылық.
Жасалған әрекетті құқық бұзушылық деп тану үшін оның құрамы болуы тиіс.
Құқық бұзушылықтың құрамына 4 элемент кіреді:
Құқық бұзушылық объектісі дегеніміз - құқықбұзушылық неге бағытталған, соны айтамыз (тектік объект - қоғамдық қатынастар, тікелей объект - адамның өмірі, денсаулығы, мүлкі және т.б.);
Құқық бұзушылықтың субъектісі - құқықбұзушылықты жасаған құқық қабілеттілігі бар жеке немесе заңды тұлға;
Құқық бұзушылықтың объективтік жағы - құқықбұзушылықты сипаттайтын сыртқы белгілердің жиынтығы (әрекет немесе әрекетсіздік, зиян, себепті байланыс);
Құқық бұзушылықтың субъективтік жағы - адамның өз әрекетіне және оның зардабына ішкі қатынасын сипаттайтын белгілердің жиынтығы. Мұндағы негізгі категория - кінә (қасақаналық: тікелей және жанама, немесе абайсыздық: менмендік және немқұрайлық).
