1. Миға шабуыл әдісі арқылы төмендегі сұрақтарға жауап беріңіз 1. «Мәдениет» деп нені түсінесің?
2. «Білім» деген ұғымға нелер кіреді?
3. Сенің ойыңша, осы екі ұғымды нелер біріктіреді, ұқсастығы, байланысы қандай?
Өз ойыңды Эйлер-Венн диаграммасы арқылы сызып көрсет, шеңбердің ішіне олардың айырмашылығы (сипаттамасы), ал қиылысқан тұсына ұқсастығы жазылады.
2. Артық әріпті тап. Сол арқылы мәтіннің тірек сөздерін тізіп жаз.
Д , А, А, И, М А, М, Ұ, Ғ М, Л, Т Р, А, Л, А, Д, Т, Ы, Қ, З
Р, Х, А, А, И, У, Й, Н Қ, Қ, Н, Ы, А, Ы, Ұ, Д, С, Л
М, А, Н, Д, Ә, Е, Т, Е ,И Р, О, Ь, Қ, Д, Н, М, А, Л, Ы
3. Мәтіннің тірек сөздерін пайдалана отырып, көрсетілген қатарларды абзац нөмірімен сәйкестендір
Құндылық, рухани мәдениет, бағалау, мәдениет, даму деңгейі, қажеттілік, сана
3
Қазақ халқы, адамгершілік, руханилық, жас ұрпақ, ұлттық құндылық, моральдық нормалар, мәселелер, қалыптасу
1
Тәрбие, жеке адам, даралық, жеке тұлға, ерекшелік, қасиеттер, іс-әрекет, ажырату, белгілер
2
4. «Білімдімен дос болсаң, Сасқанда ақылын айтар. Білімсізбен дос болсаң, Топ ішінде бетің қайтар» Білімді тар ұғымда білімі бар адам деп, ал кең мағынада көргенді, ақыл-парасаты мол, білімді, жақсы мінезді адам деп білеміз. Бұл мақалдағы «білімді» осы екіншіге сәйкес келеді. Ал «білімсіз» дегендер білімдіге қарама-қарсы адамдар, адамгершілігі төмен адамды білімсіз дейді. Абай : «... білімсізге қылған жақсылық өзі адамды бұзады» дейді емес пе?! «ПОПС» формуласы бойынша жоғарыда айтылған ойды оқып, «Білімді адам мен білімсіз адам сипаттамасы» тақырыбында өз ойларыңды жазыңыз. Бірінші сөйлем. Менің ойымша, ....
Екінші сөйлем.Себебі, оны былай түсіндіремін...
Үшінші сөйлем. Оған мынадай дәлел келтіремін...
Төртінші сөйлем. Осыған байланысты мынадай қорытындыға келдім...
5. Ребусты шешіп, жасырылған мақалды оқыңыз. (25-26-слайд) (Білім – гауһар, бағасы жоқ,
Надандық – кесел, дауасы жоқ)
6. А.Ақтанбердінің «Жақсы-жаман» атты термесін тыңдаңыз. Ішінде кездескен адам қасиеттерін есте сақтап, санамалап айтып беріңіз. (27-слайд)
Қорытындылау «Бес саусақ» әдісін қолдану
Параққа алақанды қойып, оны жиегімен қаламмен айналдырып өтеді.Осыдан соң сабақ туралы мынандай сұрақтарға жауап беріп, салынған саусақтарына жазады:
Бас бармақ – басты мәселе. Бүгінгі сабақта ең құнды мәселе не болды?
Балалы үйрек - бірлесу. Қалай жұмыс жасадым, кімге көмек бердім?
Ортан терек - ойлану. Мен бүгін білім мен тәжірибе ала алдым ба?
Шылдыр шүмек - шынайылық. Сабақ маған ұнады ма? Неліктен?
Кішкентай бөбек - көңіл-күй ахуалы. Мен сабақта өзімді қалайша сезіндім?
