Жұмысшыларды, қызметкерлерді таратып орналастыру және халықты эвакуациялау Таратып орналастыру және эвакуациялау халықты ТЖ-дан қорғаудың бір жолы.
Таратып орналастыру дегеніміз – ТЖ-ның бейбіт және әскери уақытта жұмысын тоқтатпайтын объектілердің жұмыстан бос ауысым жұмысшылары мен қызметкерлерін және олардың отбасы мүшелерін қаладан немесе елді мекеннен қала сыртындағы аймаққа ұйымдасқан түрде шығару. Бұлардың қатарына қалалардың өмір тіршілігін қамтамасыз ететін объектілердің адамдары да жатады.
Эвакуация дегеніміз – қалған халықты (тіршіліктері қала сыртындағы аймаққа ауыстырылған немесе ТЖ уақытында жұмыстары тоқтатылған объектілердің адамдары және олардың отбасы мүшелері, жұмысқа жарамсыз халық) қаладан немесе елді мекеннен қала сыртындағы қауіпсіз аймаққа ұйымдасқан түрде уақытша көшіру. Эвакуацияланған халық қала сыртындағы аймақта ерекше өкімге дейін болады.
Дара қорғаныс құралдары Дара қорғану құралдары адамдарды радиоактивті, уландырғыш және бактериалдық заттардан қорғауға арналған. Өзінің атқаратын қызметі бойынша тыныс алу жолдарын қорғау және адай терісін қорғау құралдары болып белінеді.
Дара қорғану кұралдары сүзгілік және оқшаулайтын болып та белінеді. Оқшаулайтын қорғау қүралы адам ағзасын қоршаған ортадан толық оқшаулайды.
