Физиологиялық әсері – жатырды ұрықтың енуіне дайындайды, жолдастың түзілуіне қатысады, сүт бездерінің дамуына себепші болады, жатырдың бірыңғай тегіс етінің қоздырғыштығын кемітеді, аналық бездердің овуляциясын тежейді. Натрий және хлоридтерді қанда жинайды, ал калийдің зәрмен бөлінуін арттырады. Эстрогендердің және прогестеронның секрециясы фолликул стимульдеуші және лютеиндеуші гормондармен реттеледі. Аталған екі гормонның қандағы мөлшерінде циклдік өзгерістер байқалады. Осы өзгерістерге эстрогендердің және прогестеронның секрециясы тікелей байланысты болады.
