Айтыс II том «КҮлтегін»
жүктеу/скачать 0,96 Mb. Pdf көрінісі
|
| Ырысжан:
Жұмбағым сыры терең, сөкпе деймін, Әліңнен артық сөйлеп кетпе деймін. Азырқансаң, әлі төрт жұмбағым бар, Мен сені кіргізейін көпке деймін. Қос әйнек – шыны да емес, темір де емес, Жан адам түзете алмас болса көмес. Ашылып, жабылады пружинасыз, Ол – өзі қымбат нәрсе, арзан да емес. Ол үйдің екі тесік бір пешінде, Қаланған кірпіші жоқ іргесінде. Сырттан ауа тартады магнитпен, Қалқиған екі ұра бар терезесінде. Өзіңдей жөнді ақыннан сұрамап ем. Әсаға, мұның жайын білесің бе? Ол үйде машина бар неше бөлек, Қозғалар градыспен әр дөңгелек. Талай жан таң қалатын сол машина, Бір кезде сап-сасық боп, қалады өліп. 201 Айтыс II том Сол үйде майсыз лаулап, жанады шам, Әртүрлі машина бар қаларлық таң. Шам сөнсе, біткен тетік бұзылады, Жаға алмас қайта өзіндей ешбір адам. Түгелдеп, осы сөзді шеше алмасаң, Түймемнен үш айналып, кет садағам! Әсет: Түп-түзу оқтан өткір айтқан сөзің, Осы көп сөз шешуі жалғыз өзің. «Қос әйнек шыны да емес, темір де емес, Қалқиған екі ұра» – екі көзің. «Ол үйдің бір пешінде екі тесік – Желбезек – қос өкпе тұр ауаны есіп – Ол тыныс – дем тартатын мұрыныңыз. Бұл сөзді сынамаққа сұрадыңыз, Шешейін қабыл болса мұрадыңыз. Сырттағы тамам сөзді есітуші — Екі үңгір дегеніңіз — құлағыңыз. Адамның көре алмайсың ішін ашып, Тәні тұр перде болып, сыртын басып. Машина әр түрлі шек, өкпе, жүрек, Шықпассың бұл сөзіме қарсыласып. Пружинамен жаратқан адам тәнін, Себеп қып тіршіліктің татар дәмін. Майсыз лаулап жанған шам дегенің ол: Қан, қуатпен қозғалған жалғыз жаның. Бұл бір оңай жұмбақ қой көңілдегі, Дұрыс па қыздан Әсет жеңілмегі. Арғын, Найман, Алты арыс, Уақ, Керей. Сап жүйрікпін Сарыарқа өңірдегі. Адамның бар денесін жұмбақ қылып, Бар ма еді мұнда әкеңнің кеңірдегі? жүктеу/скачать 0,96 Mb. Достарыңызбен бөлісу:
|