Пайғамбарымыздың көкесіне айтқаны

Бәйхақи былай риуаят етеді: «Әбу Тәліп Пайғам-

барымызға 

(саллаллаһу  аләйһи  уә  сәлләм)

:  «Жиенім!  Маған  сенің 

қауымыңның  адамдары  келді.  Біраз  нәрселер  айтты. 

Мені  де,  өзіңді  де  қинамасаңшы,  көтере  алмайтын 

шоқпарды  белге  байлап  қайтеміз?!  Жұрт  қаламайтын 

сөздерді оларға айтпай-ақ қойсаң болмай ма?» – дей-

ді.  Аллаһ  расулы  көкесінің  көзқарасының  өзгергенін, 

қолдау  көрсетуге  қиналатынын,  ендігі  жерде  өзіне 

сүйеніш  болудан  бас  тартатынын  ойлап:  «Көке!  Оң 

қолыма  күнді,  сол  қолыма  айды  ұстатса  да,  мен  бұл 

ісімнен бас тартпаймын. Не Аллаһ дінін жеңіске жет-

кізеді,  не  болмаса  мен  осы  жолда  шыбын  жанымды 

қиямын», – деді көзі жасаурап. Осыны айтып, бұрылып 

кетіп  бара  жатқанда,  Әбу  Тәліп:  «Жиенім!  Бері  кел!» 

– дейді. Аллаһ расулы қайтып келеді. Әбу Тәліп оған: 

«Бопты, ісіңді жалғастыр. Сені ешкімге де бермейтін-

дігіме ант етемін», – дейді

214

.