Аналитикалық химия

Кейбір реагенттердің III аналитикалық топ катиондарына әсері

жүктеу/скачать 1,06 Mb.

бет	10/47
Дата	09.06.2023
өлшемі	1,06 Mb.
	#100122
түрі	Сабақ

1 ... 6 7 8 9 10 11 12 13 ... 47

Байланысты:
Ах сапалық му к лабор

Кейбір реагенттердің III аналитикалық топ катиондарына әсері

Реагент	Катион
Реагент	Ва²⁺	Sr²⁺	Ca²⁺
H₂SO₄	BaSO₄ ақ тұнба, қышқылдар мен сілтілерде ерімейді	SrSO₄ ақ тұнба, қышқылдар мен сілтілерде ерімейді	CaSO₄ ақ тұнба,суда аздап ериді, Концентрлі (NH₄)₂SO₄ерітіндісінде ериді
CaSO₄ қаныққан ерітіндісі (гипс суы)	BaSO₄ ақ тұнба, тез түзіледі	SrSO₄ ақ тұнба, қыздырғанда біртіндеп түзіледі	_____
Na₂CO₃, K₂CO₃, (NH₄)₂CO₃	ВаСО₃ ақ тұнба, күшті қышқылдар мен сірке қышқылында ериді	SrCO₃ ақ тұнба, күшті қышқылдар мен сірке қышқылында ериді	СаСО₃ ақ тұнба, күшті қышқылдар мен сірке қышқылында ериді
K₂CrO₄	BaCrO₄ сары тұнба, күшті қышқылдарда ериді, сірке қышқылында ерімейді	SrCrO₄ сары тұнба, күшті қышқылдар мен сірке қышқылында ериді	_____
(NH₄)₂C₂O₄	BaC₂O₄ ақ тұнба, күшті қышқылдарда ериді, сірке қышқылында ерімейді	SrC₂O₄ ақ тұнба, күшті қышқылдарда ериді, сірке қышқылында ерімейді	CaC₂O₄ ақ тұнба, күшті қышқылдарда ериді, сірке қышқылында ерімейді

№5 зертханалық жұмыс

ІІІ АНАЛИТИКАЛЫҚ ТОП КАТИОНДАРЫНЫҢ САПАЛЫҚ РЕАКЦИЯЛАРЫ
Ba²⁺, Sr²⁺, Ca²⁺

Ba²⁺иондарының реакциялары

Топтық реагентпен реакция:

BaCl₂+H₂SO₄ = BaSO₄↓ + 2HCl

2. Хром қышқылының тұздарымен реакция:
BaCl₂+ K₂CrO₄→ BaCrO₄↓ + 2KCl

Сары кристалдық тұнба түзіледі, тұнба азот және тұз қышқылдарында ериді:

BaCrO₄+ 2HCl → BaCl₂+ H₂CrO₄

BaCrO₄+ 2HNO₃→ Ba(NO₃)₂+ H₂CrO₄

Күкірт қышқылында барий хроматының сары тұнбасы ақ түсті барий сульфатына айналады:

BaCrO₄+H₂SO₄→BaSO₄↓+ H₂CrO₄

Сірке қышқылында және басқа әлсіз қышқылдарда тұнба ерімейді.

Барий тұзы дихром қышқылының тұздарымен де барий хроматын түзеді:

2BaCl₂+ K₂Cr₂O₇+ H₂O → 2BaCrO₄↓ + 2KCl + 2HCl

Бұл реакция нәтижесінде тұз қышқылы түзіледі, ол тұнбаны аздап ерітеді, сондықтан дихроматтан барий хроматы толық тұнбайды. Сондықтан толық тұндыру үшін реакцияны сірке қышқылы қатысында жүргізеді, сонда сірке қышқылы түзіледі, онда барий хроматы ерімейді:

CH₃COONa + HCl → CH₃COOH + NaCl

Стронций және кальций иондары дихроматпен тұнба түзбейді, себебі олардың хроматтары түзілетін тұз қышқылында да, сірке қышқылында да еріп кетеді.

2. Қымыздық қышқылының тұздарымен реакция:

BaCl₂+ (NH₄)₂C₂O₄→ BaC₂O₄↓ + NH₄Cl

Барий оксалаты – ақ кристалдық тұнба түзіледі, ол тұз қышқылы мен азот қышқылында ериді, ал қыздырғанда концентрлі сірке қышқылында ериді.

3. Карбонаттармен реакция:

BaCl₂+ (NH₄)₂CO₃→ BaCO₃↓ + NH₄Cl

Ақ аморфты тұнба түзіледі, қыздырғанда кристалдық күйге ауысады, ол тұз қышқылы, азот қышқылында, сірке қышқылында ериді.

4. Натрий моногидрофосфатымен реакция:

BaCl₂+ Na₂HPO₄→ BaHPO₄↓ + 2NaCl

ақ кристалдық тұнба түзіледі, ол тұз қышқылы, азот қышқылында, сірке қышқылында ериді.

5. Гипс суымен реакция:

BaCl₂+CaSO₄→ BaSO₄↓+CaCl₂

Ақ түсті барий сульфаты түзіледі.

6. Натрий родизонатымен реакция:
Фильтр қағазына 1 тамшы барий тұзы мен 1 тамшы натрий родизонатын тамызғанда, қызыл-қоңыр түсті барий родизонатын түзеді:

Ал 1 тамшы тұз қышқылын тамызғанда қызыл түсті барий гидрородизонаты түзіледі:

K₂CrO₄ қатысында барий родизонаты түзілмейді. Бұл реакция барий ионына ерекше реакция болып табылады.

жүктеу/скачать 1,06 Mb.

Достарыңызбен бөлісу:

1 ... 6 7 8 9 10 11 12 13 ... 47