Медиалды топ бұлшықеттері

1.Нәзік бұлшықеті m.gracilis , жалпақ ұзындау келген бұлшықет. Ол қасаға сүйегінің төменгі жиегінен ramus inferior ossis pubis басталып, үлкен жіліншіктің бұдырына tuberiositas tibiae бекиді.Қызметі: санды ішке тартып, сирақтың бүгілуіне қатысады. 2.Ішке тартқыш ұзын бұлшықет m.adductor longus , жалпақ, үшбұрыш пішінді, ортаңғы жіліктің алдыңғы медиалді бетінде орналасады Қызметі: санды ішке қарай тартып, сыртқа қарай бұрады.

3.Ішке тартқыш қысқа бұлшықет m.adductor brevis, ұшбұрыш пішіндес, ішке тартқыш ұзын бұлшықетінің астында орналасқан. Қызметі: санды ішке тартып, сыртқа қарай бұрады.

4.Санды ішке тартқыш үлкен бұлшықеті m.adductor magnus, қалыңдау келген бұлшықет. Қызметі: санды ішке тартып, сыртқа қарай бұрау.

5. Қырқалы бұлшықеті m.pectineus, жалпықтау және төртбұрыш пішінді болып келеді. Санның артқы топ бұлшықеттері:

1.Жартылай сіңірлі бұлшықет m.semitendinosus, санның артқы бетінің медиалді қапталында орналасқан. Ол шоңданай сүйегінің бұдырынан tuber ischiadicum басталып, асықты жіліктің бұдырына tuberositas tibiae бекиді. Қызметі: санды жазады, сирақты ішке қарай бұрып, бүгеді. Тұлғаны тікейтуге қатысады. 2. Жартылай жарғақты бұлшықет m.semimembranosus, ортан жіліктің артқы бетінің медиалді жағында орналасады. Жалпақтау келген сіңіршесі бұлшықеттің жартыдан астам бөлігін құрайтындықтан жартылай жарғақты бұлшықет деп аталады. Қызметі:санды жазады, сирақты ішке қарай бұрап, бүгеді.

3.Санның екі басты бұлшықеті m.biceps femoris ортан жіліктің артқы бетінің латералді жағында орналасады, ұзын және қысқа бастары болады. Қызметі: санды жауып, сирақты ішке қарай бұрып, бүгеді.