Республиканың барлық өңірлерінде өтетін бұқаралық шаралар. 1. Аймақтарда салт-дәстүрді сақтап, жетік білетін отбасылар арасында
«Салт-дәстүр білгірі» отбасылық байқауларын ұйымдастыру. Сол арқылы,
салт-дәстүрді насихаттап отырған Қазақстанның үздік отбасыларын анықтауға
болады. Немесе «Мерейлі отбасы» байқауын салт-дәстүрге бағыттап,
форматын өзгерту;
2. Өңірлерде «Әжелер сайысы», «Келіндер сайысы» сияқты отбасылық
сайыстар өткізіп, дәстүрді жетік білетін үздік әже, мықты келіндерді анықтау;
3.
Ұлттық руханиятта, түбі бір түркі халқының салт-сана, әдет-
ғұрпын жіліктеп, өз заманындағы маңызын, құндылықтарын оқырманға
жеткізуде қазақ әдебиетінің, қазақ тарихының заңғар жазушысы Мұхтар
Мағауиннің шығармаларының рөлі жоғары. «Аласапыраннан» бастап
«Шыңғыс ханға» дейінгі шығармалары тегіс қазақтың ұлттық салт-дәстүрімен
қабысып жатыр. Жазушының мұрасын, студенттер мен оқушылар арасында
кеңінен насихаттау керек.
4.
Ұлттық салт-дәстүр, әдет-ғұрыптарды шығармаларына арқау
еткен ұлт зиялыларымен кездесулер, танымдық телебағдарламалар түсіру;
5.
Ғұрыптарды насихаттау бойынша бата жаттаудан, бесік жырын
айтудан байқаулар, челлендждер ұйымдастыру;
6.
Ғұрыптық фольклор бойынша бата, бесік жыры, жар-жар,
жарамазан жырларының үлгілері «Дәстүр мен ғұрып жинағына» енуі керек.
7. Оқушылар мен студенттер арасында салт-дәстүрден интеллектуалдық
сайыстар, олимпиадалар өткізу. Олипиадалар онлайн түрде өтсе де болады;
8. Мектеп оқушыларына салт-дәстүрден викториналық ойындар,
танымдық тестілеулер өткізуді ұйымдастыру;
9. Мектеп бағдарламасына «Ұлттық дәстүр» факультативті сынып
сағаттарын енгізуді қарастыру.
