Ақпарат және қоғамдық даму министрлігі «Рухани жаңғыру» қазақстандық қоғамдық даму институты» КеАҚ
жүктеу/скачать 3,61 Mb. Pdf көрінісі
|
МП Рухани Жаңғыру
|
ІСКЕ АСЫРУ ТЕТІКТЕРІ Ұлыстың ұлы күнін мерекелеудің жаңа жолында мынандай іс-шаралар қарастырылады. Наурыз мерекесі 14-22 наурыз аралығында (9 күн) аталып өтіледі. Әз-Наурызды отбасылық мерекеге айналдырып, әрбір адам алыстағы ата-анасына сәлем беріп, ағайын-туысты аралап, мейрамды жақындарының арасында қарсы алуына мән беріледі. Тіршілік қамымен туған жерден жырақта жүрген адамдардың қара шаңыраққа, үлкен үйге ат басын соғып, мерекені отбасында атап өтуі ұсынылады. Қайырымдылық және волонтерлік іс-шаралар дәріптеледі. Тұрмысы төмен отбасыларға көмек көрсету, қайырымдылық акцияларға қатысу мен еріктілік шараларға атсалысу наурыз мейрамының дәстүріне айналады. Ұлық мерекеде жаратылысты аялау мақсатында табиғат аясында уақыт өткізу, көктемдік тазалық жұмыстарын жүргізу, көшет отырғызу, қоршаған ортаны жақсарту, өскелең ұрпақтың экологиялық санасын қалыптастыру бойынша шаралар өтеді. Мереке аптасында ұлттық құндылықтарды дәріптеу мақсатында жас ұрпаққа салт-дәстүрлерді, өсиет- өнегені, аңыз-әңгімелер мен мақал- мәтелдерді айту, түсіндіру жұмыстары жүргізіледі. Осы декадада дизайнерлер «Ұлттық киімдер сән апталығы» ұйымдастырып, ұлттық стильдегі жаңа үлгілерді көпшілік назарына ұсынады. Онда ұлттық киімдерді күнделікті тұрмысқа бейімдеу мәселесі ойластырылады. 56 Қазақ халқының ас мәзірін дәріптеу мен ұмыт болған тағам түрлерін жаңғырту мақсатында ұлттық тағамдарға арнайы күн айырылады. Наурыз мерекесінде адамдар, отбасы мүшелері бір-біріне арнайы «Наурыз сыйлық» жасайды, үлкендер балаларға базарлық береді. Корпоративтік кештер, мекемелердегі сыйақы беру, марапаттау рәсімдерін Наурыз мерекесіне орайластырып өткізу алға тартылады. Сондай-ақ, сауда орталықтарының Әз-Наурызда жаппай жеңілдіктер жасауы жолға қойылады. Ұлыстың ұлы күнін мерекелеудің әрбір күні бір атаулы іс-шараға арналады. жүктеу/скачать 3,61 Mb. Достарыңызбен бөлісу:
|