Асем1977 4 желтоқсан 2022 18718 100 Тақырыбы: «Елімнің бақытын тербеткен Тәуелсіздік»
жүктеу/скачать 3,05 Mb.
|
1 2
Байланысты:желтоқсан сценарий
|
Елімнің бақытын тербеткен Тәуелсіздік Асем1977 14 желтоқсан 2022 18718 0 100 Тақырыбы: «Елімнің бақытын тербеткен Тәуелсіздік» Барысы: «Желтоқсан желі» өлеңінің бейнебаяндамасы. Слайд тақтада. (хабарланбайды) 1 - жүргізуші: Армысыздар құрметті ұстаздар, оқушылар және қадірменді қонақтар! Бүгінгі Тәуелсіздігіміздің 31 жылдығына арналған «Елімнің бақытын тербеткен Тәуелсіздік» атты мерекелік кешімізге қош келдіңіздер! 2 - жүргізуші Тәуелсіздік - ең басты құндылығымыз. Тәуелсіздікке қантөгіссіз, бейбіт түрде қол жеткізгеннен кейін ғана елімізді әлемнің өркенниетті мемлекеттерінің қатарына қоса алдық. 31 жыл ішінде тәуелсіз Қазақ елін қалыптастырып, нарықтың қиын өткелінен аман өткізіп келеміз. Осы кезеңде Қазақстанды дүние дидарындағы ең мықты мемлекеттер танитындай, сыйлайтындай деңгейге жеткізген тұңғыш Президентіміз Нұрсұлтан Назарбаевтай көреген саясаткердің ерен еңбегін дәл бүгінгі президентіміз Қасым-Жомарт Кемелұлы Тоқаевтың еңбегін біз әрқшанда айтып өтеміз. Тәуелсіздік күні еліміздің барлық азаматтары үшін орны ерекше мереке деп білеміз, себебі, осынау жүрекжарды қуанышқа толы күнді ата - бабаларымыз ғасырлар бойы армандап, күтумен өтті. Әнұран орындалады. 1 - жүргізуші: Армандарды жақындатып тым алыс, Біздің жаққа жеткен екен жылы ағыс. Егемендік - ел бақыты, ертеңі, О, халайық! Құтты болсын қуаныш! Азат өлкем күндей күлген шығыстан, Асыл елім жан - жүректі ұғысқан. Ата бабам аңсап өткен бақытым, Айналайын, Қазақстан - Гүлстан! 2 - жүргізуші: Кең байтақ, көз жетпейтін жерім менің, Таулы орман, жасыл жайлау көлім менің. Бүгінде бар әлемге даңқың жетті, Тәуелсіз Қазақстан – елім менің. Ән «Қазақстан» 1 - жүргізуші: Құттықтау сөз кезегі мектебіміздің директорына беріледі. Би. 2 - жүргізуші; Қадірлі қауым, тарихтың ойлы - қырлы белестерінде халықтың жүрегінде сақталып, жадында жатталып қалатын, қоғамдық дамуға айрықша әсер етіп, ұлттық сана сезімге қозғау салатын аса маңызды оқиғалар болады. Қазақ халқы үшін осындай оқиғалардың бірі – 1986 жылғы желтоқсан оқиғасы. 1 – жүргізуші: Иә, күллі әлемді дүр сілкінткен 1986 жылғы Алматыдағы желтоқсан оқиғасы Қазақ топырағына ұлттық санасы, намысы жетелеген жаңа, әрі қайсар буынның келгенін әйгіледі. 1986 жылы 17 - желтоқсанда Алматы қаласында мыңдаған қазақ жастары наразылық білдіріп, «Тәуелсіздік керек, қазақ халқының өз көсемі сайлансын» деген ұранмен шеруге шықты. 2 – жүргізуші: Жастарға желтоқсанның ызғарлы күнінде зәбір көрсетілді. Көптеген жастар түрмеге қамалды. Өз елінің тәуелсіздігін талап етіп, шеруге шыққан жастарға: «Бұзақылар», «ұлтшылдар», «нашақорлар» деген кінә тағылды. 1986 жылы 19 - желтоқсан күні Қазақстанды басқарып келген Дінмұхаммед Қонаевтың орнына Қазақстанға ешқандай қатысы жоқ Генадий Колбинді қойған еді. Қонаевтың орнынан алып тасталу себебін білгісі келген қазақ жастары, оқу орындарының студенттері алаңға шықты. Ширек ғасыр Қазақстанды басқарған ел ағасының өз орнына қайта келуін талап етті. Еркіндіккеи Желтоқсаным бастады, Қазақ жасын бүкіл әлем қоштады. 86 жаңғырығы жар салып, Тәуелсіздік ұлы ұранын тастады. Елемепті қысқы ызғар суықты, Өне бойын жастардың қан жуыпты. Қайрат, Ләззат жас қырандар аяулы Өз халқының бағы болып туыпты. Жиырма бір жыл Тәуелсіздік туғалы, Қазақ елі бірлікке бел буғалы. Жиырма бір жыл Қазақстан халқының Өз тағдырын өзі шешіп тұрғаны. Сахналық көрініс. (Сахнада ұрандар жазылған плакаттар көтерген жастар «Менің Қазақстаным» әнін шырқап шығады. Қыз бен жігіт топтан бөлініп шығады, жұртқа қарап сөйлейді.) Жігіт: Қалың елім, қазағым, қайран жұртым, Ұстарасыз аузыңа түсті мұртың. Жақсы менен жаманды айырмадың, Бірі қан, бірі май боп енді екі ұртың. Кешегі Абайдың айтып кеткен аңғалдығынан әлі де арылмағансың ба, халқым - ау?! Елдігің қайда, бірлігің қайдаұл - қызың қайда, қазағым? Қалың ұйқыдан қашан оянасың, басыңды қашан көтеріп, еңсеңді қашан түзейсің, елім - ау?! Қыз: Мен қазақпын мың өліп, мың тірілген... Көз алдыңдағы қилы - қилы халіңді неге көрмейсің, жерің тозды, саның азайды, тілің күрмелді. Мәңгүртке айналған ұрпағыңның болашағына неге алаңдамайсың, аңқау қазағым?! Ата - бабаңның жерінде, атамекен еліңде жүріп өз билігіңнің өз қолыңнан кеткені ме, Елім?! (Сахнаның екінші жағынан солдаттар шығып жастарды қоршайды) Әскер: Кәне, тоқтатыңдар ереуілді! Қарай көр өздерін, абайшыл, қазақшыл бола қалғандарын! Мына комедияны дереу доғарып, тез тараңдар! Қыз: Ағай, бүкіл халықтың тағдырын ойыншық ету де комедия ма? Жо - жоқ, бұл трагедия. Әскер: Әй, қаршадайынан қағынған қазақшыл қарындас! Кәне, түс алдыға, көзіңе көк шыбын үймелетейік! ( қыздың қолын қайыра бастайды) Жігіт: Үйретілген иттей арсылдаған ағасымақ, қай атаңнан көріпең қызға қол жұмсағанды, тарт қанға боялған қолыңды! Әскер: ә, солай ма, тарт ендеше сазайыңды! (Солдаттар жастар тобын ұрып, сахнадан шығып кетеді) Мұхтар Шахановтың «Желтоқсан алаңы» өлеңі оқылады. 2 – жүргізуші: Қазақ халқын дүние жүзіне танытқан бұл оқиғаның алғашқы құрбандары – Қайрат Рысқұлбеков, Ләззат Асанова, Жансая Сабитова, Сәбира Мұхамеджанова, Ербол Сыпатаевтарды 1 минут еске алып, олардың рухтарына тағзым ету біздің парызымыз. (1 минут үнсіздік). 1 - оқушы: Көтерілді жастарымыз алаңға, Көтерілді студент қыз, балаң да. Қан төгілді намысы үшін қазақтың, Ерліктері жайылды кең ғаламға. Қаһарманын ұмытпайды халықтар, Өткен күнді тарихымыз анықтар. Ерлігіңе тағзым еттім қашанда, Тәуелсіздік алып берген алыптар! 2 - оқушы: Желтоқсан – заман толғағы байтақ даланың Шарпысқан сәтті үміт пен күдік наланың, Желтоқсан – Қайрат, Ләззат пен Сабира, Құрбаны болған жаланың. Желтоқсан - жастық, қазбалап тегін сұрама Анартау тектес атылмай бір күн тұра ма? Осылай халқым созылған тура үш ғасыр Ойланып бітті драма. Желтоқсан – Жеңіс, Желтоқсан - Ұлы жаңалық, Нохат деп, оны нәубетке қойған саналық. Жәнібек, Бұқар, Абылайдан қалған бар болсын, Азаттық. Елдік. Даналық. 3 - оқушы: Ашу - ыза қайнауының жетті болар шегіне, Көтерілді бүкіл жастар жалын болар еліне. Мың тоғыз жүз сексен алты боялды жастар қанымен, Желтоқсанның он алтысы есте жастар қанымен, Алматының алаңына бар студенттер жиналды, Ақсақалы қазағымның амал таппай қиналды. Қырылды жастар, аямай ұрды ұл - қызына қарамай, Апарып шықты абақтыға ешқайсысын аямай. 4 - оқушы: Желтоқсаннан бастау алған теңдігі, Қазағымның өркендеді ерлігі, Құрбан болған Тәуелсіздік жолында, Ағалардың ұмытылмас ерлігі. Қайрат сынды қазағымның ұлдары, Ләззат нәзік жандар теңдігі, Қарсы шықты жауыздарға тайсалмай, Басын қорғап, бұқпантайлап тұрмады. Бірде шырқап, бірде төмен құлаған, Өмір жолы болған қиын бұралан. Қазағымды жарқын жолға бастады, Ел басы боп сайланды да Нұрағам. 5 - оқушы: Халқым менің. Саған қарап жұбанам, Тарих беті қатпар - қатпар бұралан, Талай зардап қайғы мұңының соңынан, Егемендік алғаныма қуанам. Біздің тарих, бұл дегенің шежіре, Азап пенен бақ сыйлаған еліме. Көп болды ғой көз алартқан пенделер, Қазағымның ұлан байтақ жеріне. 6 - оқушы. Тәуелсіздік Тәуелсіздік - жеңіс және бостандық, Осы күнге жету үшін көп нәрсені бастадық. Қандай ауырлықты кешірмедік бастан біз, Қасіретті, қатал күндер болды сөзсіз. Ғасырлар бойы бұлт жапты көктегі күнімізді, Ешкім де естімеді айғайлаған сөзімізді. Өкпеден өткен желтоқсанның ызғарында. Тәуелсіздік! Деп шықты қазақтың ұлдары мен қыздары Бұның бәрі артта қалды жиырма бір жыл бұрын. Көк аспанда ашылды ғой қайта күнім! Желбіреді бостандықтың жалауы Осы еді ғой жүрегімнің қалауы! «Желтоқсан желі» әні орындалады 1 - жүргізуші: Тәуелсіз Қазақстанның 31 жылдық мерейтойына байланысты осы жылдарға көз жіберейікші, қандай тарихи даталар болды екен? 2 - жүргізуші: Тәуелсіздіктің мағынасы зор, тамыры терең ұғым. Қазақстан тәуелсіздікке қалай қол жеткізгенін көру үшін тарихқа көз жүгіртейік. Тарих пәнінің мұғалімі Тұрдымұратов Ғабидолла Кеңбайұлына сөз беріледі. (Тарих пәнінің мұғалімі Тұрдымұратов Ғабидолла Кеңбайұлы «Тәуелсіздік шежіресі» атты баяндама оқиды. Слайдпен көркемделген. ) 1 - жүргізуші. Бақытым - Республикам Қазақстан, Көгінде ақ көгершін, қаздар ұшқан. Саған жетпес құшағы әлемнің де, Қыс болса, бір шетінде жаз ауысқан. Алдарыңызда бишілер тобының орындауында «» 2 - жүргізуші: Қазақ дейтін менің бір елім, Жатыр алып жарты дүние әлемін. Бұл даланы анам жаспен суарған, Бұл далаға жылап келіп қуанған, - деп Қасым Аманжолов ағамыз жырлағандай, кең байтақ жерімізде қазақ халқының басынан не өтпеді десеңізші. Талай қиындықты бастан кешірсе де, ешқашан мойымай, күресе білді. Азаттық таңы туатынына кәміл сеніп, үміттерін үзбеді. Сол күндер ғой жүректің аңсағаны, Соған шөлдеп, шөліркеп тамсанады, Өкініш пе, білмеймін қуаныш па Өз - өзінен жүрегім ән салады. ән «Алға, қазақ, жігіттері» 1 - жүргізуші. «Қазақпын, еңселі елмін егеменді, Кеңейттім кең әлемге керегемді. Мұхиттың ар жағында жатқан жұрттар Таныды тепе - тең деп тереземді. Қазақпын, қойнауы - құт, жері - дархан, Әнімді бес құрлықтың бәрінде айтам. Ән: «Жаса, Қазақстан!» орындайтын: 2 - жүргізуші: Қасиетті Қазақстан мекенім, Ақиқаттың алтын бесігі екенсің. Елім, жерім, Отаным – бақ - дәулетім, Болашағым, өнер - білім, өркенім. Бейбіт өмір тілеймін мен халқыма Туған тілім шұбарланба жарқыра Тарихымызда таланттылар көбейсін Бас иемін ата баба рухына. Бойымда әні бұлақ жатыр бұрқырап Сол бұлақтан сыр ағыздым жыр құрап Тілейтінім барша жұртқа бір ғана Ырыс, бақыт, татулық пен ынтымақ. Ән: «Қазақстаным» Орындайтын (Барша бала артында шығып тұрады, қолдарында шар мен жалауша) 1 - жүргізуші: Ту тігілді халқымның бүгін бағына Жас өрендер желбіретіп нық ұста Ғасырларға жалғастырып елдікті Дақ түсірме ата баба рухына Үлгі бізге аталардың ерлігі Ұлағаты өнегесі еңбегі Тәуелсіздік туын ұстап жоғары Бүгінгі ұрпақ болар елдің ертеңі - дей келе, бүгінгі тәуелсіздігіміздің 31 жылдығына арналған «Елімнің бақытын тербеткен Тәуелсіздік» атты мерекелік кешіміз өз мәресіне де келіп жетті. 1 - жүргізуші: Қазақ елім! Туды жастық дәуірің. Алғандайсың жұлдызыңның жарығын. Тәуелсіздік құтты болсын, қымбаттым, Туған күнің құтты болсын, алыбым! Тәуелсіздігіміздің тұғыры биік, халқымыздың еңсесі жоғары, егемендігіміз баянды болсын деп тілейік, ағайын. Келесі кездескенше сау саламатта болыңыздар! Сценарий: Бабаларым аңсаған Тәуелсіздік! | тауелсиздик куни туралы сценарий, 16 желтоқсан тәуелсіздік күні сценарий колледж, тәуелсіздік бабалар аңсаған арман тәрбие сағаты, тәуелсіздік бабалар аңсаған арман сценарий, 16 желтоқсан жүктеу/скачать 3,05 Mb. Достарыңызбен бөлісу:
|
1 2