4.2.3.1 Белгілі бір тақырыпта сұхбаттасу барысында шағын мәліметті (4-5 сөйлем) баяндау, кері байланыс орнату, сөйлеу стилін сақтау, дауыс ырғағын келтіріп сөйлеу
4.5.1.2 Көптік/тәуелдік/септік/жіктік жалғаулы сөздерді
ауызша/жазбаша тілде қолдану
Лексикалық минимум
Асүй, қонақ бөлме, жуынатын бөлме, кіреберіс, қойма
«Жаңа сөз үйренейік»айдарында мұғалім оқушылардың назарын жаңа сөздерге аударады. Мұғалім оқушылар сөздік қорындағы сөздердің мағыналарын жете білген жағдайда ғана оны дұрыс қолдана алатынын ескереді. Үйренген сөздерін қолдануға мүмкіндік жасайды, яғни әрбір оқушы сөйлегенде, сөйлем құрағанда, мүмкіндігінше, жаңа сөздерді көбірек қолдануға дағдыландырады, жаңа сөздерді күнделікті өмірде қолдана білуге үйретеді. Сонымен қатар жаңа сөздің оқушы есінде сақталуын қамтамасыз етеді. Оқушыларға жаңа сөздермен байланысты суреттер көрсетіледі (үйдің ішкі жағы, яғни, бөлмелер). Сол суреттерді көрсете отырып, жаңа сөздердің мағыналары түсіндіріледі. Оқушыларға сұрақтар қойылады:
«Балалар, сендер не көріп тұрсыңдар?» «Бұл қандай бөлмелер?». Оқушылардың жауаптары тыңдалады, мұғалім тарапынан толықтырылады.
