Балл қою кестесі – тоқсандық жиынтық бағалау тапсырмаларына балл қою бойынша бірыңғай норманы белгілеу үшін мұғалімдер қолданатын кесте.
Балл қою кестесі қашан, қалай балл берілетіндігін білдіретін, дұрыс (болжамды) жауаптар мен ұсыныстардың үлгілері туралы анық және нақты ақпарат ұсынатын құрал болып табылады.
Балл қою кестесінің мазмұны мен құрылымы пәндер мен тапсырмалардың түрлеріне байланысты ерекшеленуі мүмкін.
Балл қою кестесінің құрылымы мынадай ақпараттардан тұрады: тапсырма нөмірі, тапсырманы орындау кезеңі көрсетілген жауаптар, әр кезең үшін балдар мен қосымша ақпараттар.
Барлық альтернативті жауаптар балл қою кестесінде көрсетілуі қажет, сонымен қатар олар қисық сызықпен «/» немесе «немесе» шылауымен бөлінеді.
Жауапқа балл қою үшін екі және/немесе жауабын көрсету қажет болған жағдайда, бұлай құрастырылған жауаптардың арасына «,» және/немесе «және» шылауын қою қажет.
Балл қою кестесінде жауаптарды дескриптор түрінде құрастыру ұсынылмайды.