Рамазан оразасының әр күніне бөлек ниет ету
шарт па, әлде айдың басында ниет ету жеткілікті бола ма?
Жауап:
Оразаның әрбір күні өз алдына бөлек ғибадат.
Сондықтан әр күнге жеке ниет ету шарт болып саналады.
Фиқһ ғалымдары бір күннің оразасын бұзу басқа күндердің
оразасын бұзбайтынын айта отырып, Рамазан оразасының
әр күніне жеке-жеке ниет ету қажет деген тұжырымға
тоқтаған.
Сұрақ:
Ораза ұстауға қалай ниет етіледі?
Жауап:
Оразаға былай ниет етіледі: «Нәуәйту ән асумә
саумә шаһри рамаданә минәл фәжри иләл мәғриби халисан
лилләһи таъалә».
Мағынасы: «Алланың разылығы үшін рамазан айының
оразасын таңнан кешке дейін ұстауға ниет еттім».
| 
