| Түйін сөздер: фольклор, халық, балалар әдебиеті, дәстүр, ауыз әдебиеті, жазушы, түркі елдері, тарих.
Балалар әдебиеті – ел тарихымен тамырлас, оның мәдени өмірінің көрінісін айқындайтын
жарқын саланың бірі. Балаға арналған ұлттық рухани мұраның молдығы кез-келген елдің
болашағының көкжиек кеңдігін танытса керек. ХХ ғасырдың басында руханиятқа айырықша қауіп
туған тұста түркі елдері әдебиетінде ортақтаса атқаруға тиісті міндеттер мен мақсаттар алға шықты.
Ұрпақ мәселесі, оның сауаттылығы, рухани кемелдігі ел мүддесімен сабақтас аса маңызды арна
болғандықтан, түркі зиялысы әр қиырда аталған бағытта жан сала еңбек етті. Балалар поэзиясының
шығу тегін дұрыс бағамдау үшін назар аударуды қажетсінетін мәселенің бірі нақтылы тарихи
дәуірде жасаған қоғамдық ортадағы баланың орны болса керек. Белгілі бір тарихи қоғамда балаға,
бала тәрбиесіне қаншалықты дәрежеде көңіл бөлінді, дәлірек айтқанда, көңіл бөлуге қаншалықты
|
