Одум ережелері В.Шелфордтың толеранттылық заңын кейін американдық ғалым
Е.Одум (1979 ж.) бірнеше ережелермен толықтырды:
- организмдер кейбір факторларға кең ауқымды (яғни, бейімділігі кең)
және басқа факторларға тар ауқымды төзімділікте (яғни, басқа
факторларға қатысты бейімділігі аз) болуы мүмкін;
- экологиялық факторларға бейімділігі жоғары организмдер әдетте
табиғатта кең таралған;
- егер, түр үшін бір экологиялық фактордың әсері оптималды болмаса,
төзімділік шектері басқа экологиялық факторларға да өзгеріп,
төмендеуі мүмкін. Мысалы, топырақ құрамындағы азоттың мөлшері
аз жағдайда астық тұқымдастардың құрғақшылыққа төзімділігі
төмендейді, сәйкесінше топырақта азот жеткілікті жағдайға қарағанда
ылғалды көп қажет етеді. В.Шелфорд заңы ашылғаннан кейін
көптеген зерттеу жұмыстары жүргізіліп өсімдіктер мен жануарлардың,
сонымен қатар адамдардың да тіршілік ету шектері анықталды.
