Күтілетін нәтижелер:
- жалпы композиция үшін топтық мүсіндеу дағдыларын меңгерген;
- түрлі тәсілдерді қолдана отырып заттардың пішіні мен бөлшектерін бере біледі;
- сәндік элементтермен заттарды безендіреді;
- күнделікті өмірде іскерлік пен дағдыларды қолдана біледі.
І ЖАРТЫ ЖЫЛДЫҚ
Балаларды өнермен таныстыру
Балалардың шығармаларды қарау барысында бейнеленген құбылыстарды сезіну, суретшінің жеткізбек ойын түсіне білу, қоршаған орта мен жасампаз еңбек туралы қабілеттерін қалыптастыру. Аңдар бейнесін мейіріммен жылы қабылдауға үйрету.
Қазақ халқының ұлттық өнер туындыларының 2-3 түрімен, әшекей бұйымдарымен, тұрмыстық заттарымен, ат әбзелдерімен, киім-кешегімен таныстыру. Ұлттық ойыншықтар мен әшекейлер туралы (тәрбиешінің қалауымен) түсінік беру.
Балаларды бейнелеу өнер түрлерімен (кескіндеме, графика, мүсіндеу, сәнді-қолданбалы өнер) таныстыруды жалғастыру.
Әр түрлі материалдардан (фарфор, сүйек, керамика, ағаш, шойын, шыны т.б.) жасалған мүсіндермен таныстырып, бұл мүсіншінің қолынан шыққан туынды екендігін әңгімелеу. Жұмыс үстіндегі мүсіншінің суретін көрсету.
Ғимараттардағы өнер туындыларының әсемдігіне назар аударуға үйрету.
Күтілетін нәтижелер:
- бейнелу өнерінің түрлі түрлерін біледі;
- қазақ халық өнерінің кейбір түрлерін біледі;
- орыс халық ойыншықтарын ажырата алады.
II ЖАРТЫЖЫЛДЫҚ
Кескіндеме өнері туындыларымен (суреттер мен қазақ, орыс және кеңес дәуірі суретшілерінің өңдеген суреттері) таныстыру. Суретшінің әр жыл мезгілінде табиғат сұлулығын қалай көрсеткенін сезіне білуге үйрету. Шығарманың мазмұнын көріп, түсінумен қатар, суретшінің табиғатты суреттей отырып, нені жеткізгісі келгендігін қандай әсерлендіргіш құралдар пайдаланғандығын түсіне білуге үйрету. Портреттік кескіндемемен танысу барысында суретші адамның көңіл күйін қалай беріп тұрғандығына назар аудару.
Балаларды балаларға арналған кітаптарын безендіру құралдарымен таныстыру.
Қауырсынмен, қарындашпен, акварельмен орындалған суреттердің айқындылығы мен кітапты безендірудің ерекшеліктерін (суреттердің мәтінге сәйкестілігі, мұқаба, титул парағы, басы, соңы) ескеруге үйрету.
Мүсіндеу құралдарымен таныстыру: ағаш, фарфор. Көлемдік пішініне, қалыбына, ырғағы мен материалына көңіл аудару. Суретшінің мүсіндік портрет құралдарын қолдана отырып кейіпкердің мінез-құлқын түсінуге үйрету. Ұлы Отан соғысының батыры анасының бейнесімен таныстыру.
Балаларды өнер туындыларын,олардың түрлерін өз бетінше қарастыруға, оның мазмұны мен мәнерлілік құралдарына назар аударуға үйрету (түсі, пішіндері, композициясы, ырғақ және т.б.).
Достарыңызбен бөлісу: |
