Қазақстан Республикасы Мектепке дейінгі тәрбие мен оқытудың жалпы білім беретін типтік бағдарламасы Астана 2015 Жоба Қазақстан Республикасы Білім және ғылым министрлігінің «Мектепке дейінгі балалық шақ»
жүктеу/скачать 1,23 Mb.
|
Типтік бағдарлама
- Бұл бет үшін навигация:
- «Шығармашылық» білім беру саласы
| Күтілетін нәтижелер:
- көлік құралдарының, автомобиль бөлшектерінің, өсімдіктердің, ағаштардың, жеміс-жидектердің, үй жануарлары, аңдар және олардың төлдерінің атауларын біледі; - заттарды пішіні, көлемі, түсі, тағайындалуы бойынша іріктейді және топтастырады; - құстарға, олардың қылықтарына бақылау жасайды; - табиғаттағы жыл мезгілдерінің ауысуын және олардың ерекшеліктерін ажырата алады; - көлемі, пішіні бойынша біртекті заттарды топтастырады; - 3 және біртіндеп саны азаятын бөлшектерден түрлі-түсті пирамидалар құрастырады; - заттардың түрлі көлемдерін, олардың түсін, пішінін білдіретін сөздерді түсінеді; - құрылыс материалдарының негізгі түрлерін (текшелер, кірпіштер, пластиналар) ажыратады; - қарапайым құрылысты атайды, құрылыс ауқымына сәйкес мазмұнды ойыншықтарды қолдана отырып, олармен ойнайды; - қағазды жұмарлайды және жыртады, жұмарланған және жыртылған қағаздан «бейнені» көреді; - құрылысты бөлшектеп бұзып, қорапқа ұқыпты салады. «Шығармашылық» білім беру саласы «Шығармашылық» білім беру саласының базалық мазмұны: - сурет салу; - мүсіндеу; - жапсыру; - музыка ұйымдастырылған оқу іс-әрекеттерінде жүзеге асырылады. Мақсаты: эстетикалық сезімдерін дамыту, бейнелеу өнеріне шығармашылық қызығушылығын қалыптастыру. Міндеттері: - балалардың сурет салуға, мүсіндеуге, музыкаға, ән салуға, қарапайым аспаптарда ойнауға қызығушылықтарын дамыту, ғажайып сезімдерін қалыптастыру; - эмоционалдық-сезімдік қабілеттерін қалыптастыру; - балаларды шығармашылыққа тәрбиелеу. I ЖАРТЫЖЫЛДЫҚ Сурет салу Балаларға бейнелеу әрекеттеріне деген қызығушылықты, суретте бейнеленгенді түсінуді сіңіру. Дағдыларды қалыптастыру: - «жаңбыр тамшылайды», «жапырақтар жерге түсті», «қар жауып тұр», «ормандағы аңдар» және т.б. сияқты құбылыстарды көрсететін бояулар мен сызықтар ритмін мұқият қарастыру; - таныс заттардың, кейіпкерлердің бейнелерін тану, не (кім) бейнеленгенін, не істеп жатқанын түсіну. Қол қимылдарын дамыту. Түрлі-түсті қарындаштармен сурет салу дағдыларын қалыптастыру. Қарындаш пен қылқаламды үш саусақпен ұстауға, қатты қыспау, түзу, тұйық сызықтарды сурет салудың қарапайым элементі ретінде қағаз бетіне жеңіл түрде түсіру; қарындаш ұстаған қол қимылын бақылау; қағаз бетінде сурет салу қимылдарын реттеу, бұл қимылдарды ырғақты түрде қайталау. Балаларды бояудың ашық түстеріне эмоциялық-эстетикалық қарым-қатынасқа тәрбиелеу. Жапсыру Дағдыларды қалыптастыру: - фланелеграфта жұмыс жасау дағдыларын қалыптастыру: қарапайым композиция құру және орналастыру; - фланелеграфтің кенебін қолдану, геометриялық пішіндерді, мәшине, үйлер, доптар, гүлдер, қазақтың ұлттық бас киімдерін орналастыру. Мүсіндеу Саздың қасиеті туралы білімдерін қалыптастыру. Сазды дұрыс пайдалану біліктіліктерін қалыптастыру. Техникалық дағдыларды қалыптастыру: қарапайым заттарды және одан күрделісін мүсіндеуге үйрету. жүктеу/скачать 1,23 Mb. Достарыңызбен бөлісу:
|