Күтілетін нәтижелер:
- таныс заттардың, кейіпкерлердің бейнелерін таниды, не (кім) бейнеленгенін, не істеп жатқанын түсінеді;
- түрлі-түсті қарындаштармен сурет салу;
- қағаз бетіне тура, тұйық және дөңгеленген сызықтар сызады;
- қарапайым дөңгелек пішінді заттарды бейнелейді, сызықтың анықтылығын байқайды;
- сурет салудың белгілі бір ережелерін орындайды;
- фланелеграфта түрлі заттарды салу тәсілдерін меңгереді;
- берілетін бейнені әрлендіре түсу үшін сурет салу дағдыларын қолдана біледі;
- қарапайым композициялар құра біледі;
- саздың қасиеттерін біледі;
- жұмыстарды орындауда қарапайым техникалық дағдыларды меңгереді.
II ЖАРТЫЖЫЛДЫҚ
Сурет салу
Біліктерін қалыптастыру:
- қарама-қайшы түстерді үйлестіріп, бейнелерді бере білу, дақтарды парақ бетіне жағу;
- қағаз бетіне тура, көлденеңінен, түзу және толқын тәрізді сызықтар сызу, қалыптан тыс тәсілмен сурет салу.
Балаларды ересектермен бірге әрекет етуге (ересектердің салған суреттерін толықтыру) қызығушылықтарын тудыру.
Бейнелеу өнері әрекетінің нәтижесіне қызығушылық танытуын мадақтау: балалардың жұмысын қарау және талдау, таныс заттар мен кейіпкерлерді табу, кеңістікті бағдарлай біуге үйрету.
Белгілі бір ережелерді орындауға үйрету: түзу отыру, тек қағаз бетіне сурет салу, қағазды жұмарламау, қарындашты тықылдатпау, бояуды ұқыпты қолдану, оған қылқаламның түгін ғана батыру, сабақ аяқталған соң материалдарды жинау.
Саусақпен сурет салу: құмда , қағазға саусақпен салу дағдыларын қалыптастыру.
Жапсыру
Симметриялы оюларды жапсыру мен сурет салуды және кіріктіру дағдыларын қалыптастыру.
Мүсіндеу
Жұмыс дағдыларын қалыптастыру: шыныаяқ, табақты илеп жасауда саз кесегін саусақпен басып, тереңдетуге, заттардың ұқсастықтарын табуға, кесектерді біріктіруге үйрету.Қуыршаққа арналған әшекейлер жасау дағдыларын қалыптастыру: білезік, жүзік, қол сағаттар.
Илеуге арналған материалдарды қолдану ережелерімен (арнайы тақтайша үстінде илеу, қолды дымқыл шүберекпен сүрту, дайын болған бұйымды тұғырға орналастыру, үстел үстіне материалды жинау) бекіту.
Достарыңызбен бөлісу: |
