Қазақстан Республикасының Білім және Ғылы Министрлігі
жүктеу/скачать 5,28 Mb.
|
- Бұл бет үшін навигация:
- Гидро- және пневможүйелер элементтерінің белгіленуі
| Гидравликалық ПӘК арынды камерадағы жұмыс сұйықтығы ағынының деформациясына және сұйықтықтың ыдыс қабырғасына үйкелуіне жұмсалатын шығындарды сипаттайды. Бұл шығындар үйкеліске кеткен механикалық шығындардан әлдеқайда төмен және инженерлік есептеулерде жиі есепке алынбайды немесе үйкеліске кеткен механикалық шығындармен бірге бірлеседі. Бұл жағдайда бірлескен ПӘК гидромеханикалық деп аталады.
Гидравликалық шығындарға жұмсалған қуат: Nг = QH ( PK - PH ), мұндағы PК – сорғының арында камерасындағы қысым; PН – сорғының шыға берісіндегі арынды гидросызықтағы қысым. Гидравликалық ПӘК мына қатынаспен анықталады: Сорғының жалпы ПӘК-і көлемді, гидравликалық және механикалық ПӘК-тердің қосындысына тең: η = ηоб + ηмех + ηг Сөйтіп, сорғы қуатының балансы сорғыда пайда болатын шығындар жайлы, жалпы ПӘК және оның құраушылары жайлы көрініс береді. Гидро- және пневможүйелер элементтерінің белгіленуі Сорғылар мен гидромоторлардан басқа да тағайындалуы мен конструкциясы алуан өзге гидроэлементтер бар. Біреулері жұмыс сұйықтығының ағынын басқарады, басқалары гирожүйелердің және т.б. тоқтаусыз жұмысын қамтамасыз ету үшін қызмет етеді. Бұл құрылғылардың жиынтығы гидрожетек деп аталып, жеке зерттеуді қажет етеді. Барлық гидроэлементтердің өзінің шартты белгілері болады. Олардан электрлік сызбалармен бірге аналогия бойынша гидросызбалар кұрастырылады. Төменде негізгі гидроэлементтердің шартты белгілері келтірілген. 2.1-кесте
2.8-суретте шартты белгілерден құрастырылған жақты тиегіш стреласының бұрылысын жетектеу гидравликалық сызбасының мысалы бейнеленген. Сызба бактан, реттелмейтін гидромотордан, үшпозициялы гидроүлестіргіштен, екі реттелетін дроссельдерден және оларға параллель қосылған кері клапандардан, екі гидроцилиндрлерден, фильтрден және сақтандырғыш клапаннан құралған. 2.8-сурет. Стрела бұрылысын жетектеу гиросызбасы Гидрожетек жұмысының принципі: жұмыс сұйықтығы (май) бактан сорғымен алынып гидроүлестіргішпен беріледі. Сорғы жұмыс істеп тұрғандағы гидроүлестіргіш реттығынының (золотник) бейтарап күйінде сорғы мен үлестіргіш арасындағы құбыр аймағында қысым ұлғаюы басталатындықтан, сақтандырғыш клапан жұмысын атқара бастайды да, сұйықтық кері қарай бакқа құйылады. Реттығынның позициясы өзгерген кезде (сызбадағы төменгі позиция) гироүлестіргіште өтпелі қималар ашылып, сұйықтық гидроқазғалтқыштардың айдау қуыстарына (гидроцилиндрлердің поршеньдік қуыстары) келіп түсе бастайды. Май гидроцилиндрлердің штокты қуысынан ағызу гидросызығы бойымен реттелетін дроссельдер, гидроүлестіргіш арқылы өтеді де, фильтрмен тазарып, бакқа төгілу үшін келіп түседі. Гидроцилиндрлер штоктарының келіп түсу қозғалысының (поступательное движение) жылдамдығы дроссельдермен реттеледі. Штоктар қозғалысын реверсивтеу гидроүлестіргіштің позицияларын ауыстыру жолымен асырылады. Жүктемесіз штоктардың кері қозғалысы кезінде олардың жылдамдығы реттелмейді және штокты қуыстарға жұмсалған жұмыс сұйықтығының шығынына тәуелді болады. Штоктардың апатты жағдайда тоқтатылуы кезінде жүйедегі қысым артады да, сонымен сақтандырғыш клапанның ашылуына және жұмыс сұйықтығының бакқа түсірілуіне алып келеді. жүктеу/скачать 5,28 Mb. Достарыңызбен бөлісу:
|