Атмосфераның ластануы мен ластаушы көздер

Өндiрiстiң қарқындап дамуына жəне отын түрлерiн кең ауқымда жағуға байланысты атмосферадағы бос оттектiң қоры азайып, ал көмiрқышқыл газының мөлшерi артуда. Нəтижесiнде табиғаттағы көмiртектiң айналымы бұзылуда. Академик А.П. Виноградов зерттеулер нəтижесiнде, көмiрқышқыл газының шоғыры жыл сайын 0,2% ға ұлғайып отырғанын анықтады. Адамзат қоғамында адам баласы отты ең алғаш рет қолданған күннен бастап осы күнге дейiн түрлi жану үрдістерiнде 273 млрд. тонна оттегi жұмсаған болса, соның 246 млрд. тоннасы, яғни (90% ға жуығы) соңғы жарты ғасырда ғана жұмсалған. Көмiртек айналымының бұзылуы мен атмосферада көмiрқышқыл газы шоғырының жоғарылауы Жердегi барлық химиялық тепе-теңдiкке үлкен əсер етедi.