ҚАЗАҚСТАН РЕСПУБЛИКАСЫНЫҢ БІЛІМ ЖӘНЕ ҒЫЛЫМ МИНИСТРЛІГІ
ТҮРКІСТАН ОБЛЫСЫНЫҢ БІЛІМ БАСҚАРМАСЫ
«БОЛАШАҚ» ОБЛЫСТЫҚ ҚОСЫМША БІЛІМ ОРТАЛЫҒЫ
«Ә.КЕКІЛБАЙҰЛЫ АТЫНДАҒЫ ОРТА МЕКТЕП» МЕМЛЕКЕТТІК МЕКЕМЕСІ
Жоба авторы: Сапарбай Сұлтанбек Жоба тақырыбы: Ғажайып сандар
Секциясы: Математика-информатика
Жоба жетекшісі: Серік Рабиға Серікқызы
Математика пәні мұғалімі
2018 жыл
Ә.Кекілбайұлы атындағы орта мектептің 5 – сынып оқушысы Сағынбай Тұмардың «Ғажайып сандар» тақырыбындағы ғылыми жұмысына П і к і р Ғылыми жоба кіріспеден, негізгі бөлім және қорытындыдан тұрады. Көне заманнан мұраға қалған асыл қазынаның бірі – сандар. Сан ғасырлар бойы сенімі мен ұстанымы болып келген сандар сырының киелі ұғымдарына шолу жасап, күнделікті тұрмыстағы атқаратын рөліне аса көңіл бөлу өркениетті мемлекеттің әрбір азаматының парызы.
Математика – адамзат тарихында ең ерте қалыптасқан ғылымдардың бірі. Адамзат даналығының ойлап тапқан жаңалығы ол – жазу.
Ал цифрлар болса, осы жазулардың негізінде пайда болған таңбалардың бірі болып табылады.
Бізді жан-жақтан сандар қоршайды, олар бізге барлық жерде қажет. Біз сандар арқылы санап қана қоймаймыз, олармен санасамыз. 5 -сынып оқушысы Сағынбай Тұмар 2018 жылдың тамыз айынан бастап «Ғажайып сандар» тақырыбы бойынша ғылыми жобаны жазуды бастады. Оқушының негізгі зерттеу нысаны - натурал сандар және олардың қасиеті. Жобаның мақсаты- жай сандарға жүйелі шолу жүргізіп, кейбір натурал сандардың ішіндегі ғажайып сандардың жай сандардың қасиеттері арқылы ролін арттыру болып табылады.
Оқушы жобаны кемел сандар, достас сандар, егіз сандар туралы тың деректерді, пікірлерді кірістіре отырып, көркем тілмен жазған.
Жобада тақырыпты кең ашып талқылаған. Басқа оқушы түсінетіндей тілмен жазылған. Тұмар жұмыста айтылған кейбір ғажайып сандар туралы 5-сыныпта оқытылса, ең болмағанда оқулықтың тарихи бөлімінде көрсетілсе екен деп ұсынысын білдірген.
