Тәуелді акционерлік қоғам. Егер акционерлік қоғамның дауыс беруші акцияларының жиырма проценттен астамы, басқа (қатысушы, басымырақ) заңды тұлғанікі болса, ол тәуелді қоғам деп танылады Басымырақ (қатысушы) заңды тұлға тәуелді акционерлік қоғам акцияларының тиісті бөлігін сатып алғаны туралы мәліметті заң құжаттарында көзделген тәртіп бойынша дереу жариялауға міндетті. Акционерлік қоғамдардың бір-бірінің жарғылық қорларына өзара қатысуын, егер заң құжаттарында өзгеше көзделмесе, әрбір жарғылық қордың жиырма бес процентінен асыруға болмайды. Бір-бірінің жарғылық қорына өзара қатысушы акционерлік қоғамдар басқа қоғам акционерлерінің жалпы жиналысында жиырма бес проценттен артық дауысты пайдалана алмайды.
