Дауыс жаттығу «Легато жоғары-төмен»

Сызық бойынша саусақпен бірқалыпты және асықпай жүргізіңіз және бір мезгілде дауысты «А», «О» немесе «У» дыбыстарын айтыңыз. Дауысты саусақтың қимылымен жоғары және төмен жүргізіңіз, созылыңқы және үйлесімді ән салыңыз.

Саусақтың сызығы бойынша бірқалыпты жүргізіңіз және «А», «О» немесе «У» әріптеріне дауысты көтеріп және төмендетіп, ән салыңыз, дыбыстау кезінде үзіліс жасаңыз (жеке, байланыстырмай). Үзіліс кезінде саусақты қағаздың сызығынан ажыратпаңыз, оны сызықтың соңына дейін бірқалыпты жылжытыңыз.

Саусақты әрбір нүктеге тигізіңіз және белсенді, үзікпен ән салыңыз. Дауысты дыбыстарға немесе «лё-лё», «динь-динь» буындарына, жарытлай жабық ауызбен айтуға болады.

1. 
   Хормен жұмыс жасау барысында дауыс жаттығуларын орындау рөлі неде?
   
2. 
   Хордағы жаттығуларды орындатуда вокалды-хор жұмыстарының қандай талаптары болады?
   
3. 
   Кіші хор ұжымымен жұмыс жасауде музыка мұғалімінің негізгі міндеттері қандай?
   
4. 
   Дыбысты созыңқы шығаруда қандай дауыс жаттығуларын білесіз?
   
5. 
   Анық артикуляция жасау үшін қандай жаттығулар түрін білесіз?
   

Интонациялау - әуенді тұрақты басқыштарды негізге алып, сазына келтіріп, таза айту. Мажор әуезіне келтіру минор әуезіне келтіруден өзгеше болып келеді. Ол үшін әуенге сәйкес түзеу жұмысын жүргізу өте маңызды, мысалы: мажор үшін I–ІI–III басқыштарды айту, сол кезде III басқышқа көңіл бөлу қажет. Ол басқыш жоғары айтылады, бұл үлкен терция интервалы болып саналады. Одан кейін аккордтың негізгі дыбысын тұрақты басқышта айту керек. Минор әуезінде I–II–III басқышта айту, соған сәйкес III басқыш төмен айтылады, бұл кіші терция интервалы болып саналады. Одан кейін аккордтың негізгі әуенін тұрақты басқышта, минордың: натуралды, гармониялық, мелодиялық түрлерінде айту керек.