Қазақстан Республикасының Экология, геология және табиғи ресурстар министрлігі
Сумен жабдықтау және канализация жағдайы, халықты орталықтандырылған
жүктеу/скачать 4,19 Mb. Pdf көрінісі
|
nd2019kz
| Сумен жабдықтау және канализация жағдайы, халықты орталықтандырылған
сумен жабдықтау және су тартумен қамтамасыз ету. Облыс аумағында барлығы 93 гидротехникалық құрылыс орналасқан, оның ішінде 18 – і республикалық, 66 – ы коммуналдық, 8 – і жеке меншікте, 1-і иесіз. 2017 жылы орталықтандырылған сумен жабдықтаумен 535394 тұтынушы, орталықсыздандырылған сумен жабдықтаумен 53121 тұтынушы қамтамасыз етілді, олардың ішінде тасып әкелінетін сумен - 1169 қамтамасыз етілді (Біржан Сал, Егіндікөл және Зеренді аудандарында). Іс жүзінде су тарту және сумен жабдықтау жүйелерімен 100% Степногорск қаласының тұрғындары ғана қамтамасыз етілген. 2017 жылы облыстың 372 елді мекені (59,8%) орталық сумен қамтамасыз етілген. Орталықтандырылған сумен жабдықтауға қол жеткізу: қалалық елді мекендерде-86%, ауылдық елді мекендерде - 58,8%. 2019 жылы орталық сумен жабдықтауға қол жеткізу: қалалық елді мекендерде – 97,8%, орталық су тарту — 61%, ауылдық елді мекендерде тиісінше – 60,7% және 4,7% құрады. ҚР ҰЭМ Статистика комитетінің деректері бойынша, облыстағы су құбыры желілерінің ұзындығы 2017 жылғы 5727,5 км-ден 2019 жылы 5904,2 км-ге дейін тұрақты өсуде, алайда 2017 жылғы 1177 км-ден (20,5%) 2019 жылы 1610,5-ке дейін ауыстыруды қажет ететін құбырлардың ұзындығы да тұрақты өсуде. Ауыстыру қарқыны да төмен. 2015 – 2017 жылдары облыста 299,9 км су құбыры желілері ауыстырылды, 2018 жылы — 191,8 км, 2019 жылы-13,8 км. Су құбыры желілерін жаңарту және жөндеу бойынша жүргізілген жұмыстардың нәтижесінде учаскелердегі апаттылықты 2017 жылы 347-ден 120-ға дейін және 2018 жылы 146 оқиғаға дейін және 2019 жылы 140 оқиғаға дейін төмендетуге қол жеткізілді. Абоненттердің 96% су есептегіш 167 құралдарымен қамтамасыз етілген. Қалаларда су жоғалту деңгейі 22,2% құрады. 2015 жылмен салыстырғанда 7,3%-ға төмендеді. 2017 жылы тұрғын үй қорының орталықтандырылған су тартумен қамтамасыз етілуі 60,9% (2014 жылы – 46,7%) құрады: қалалық жерлерде – 72,2% (2014 жылы – 67,5%), ауылдық жерлерде – 51,2% (2014 жылы – 27,5%). ҚР ҰЭМ Статистика комитетінің мәліметінше, кәріз желілерінің ұзындығы 2017 жылы 1048,4 км, 2018 жылы 1057,3 және 2019 жылы 1058,1 км құрады. Кәріз желілерінің жалпы ұзындығының 70% - дан астамы (2017 жылы 743,8 км, 2018 жылы 747,7 км және 2019 жылы 748,5 км) қалалық жерге келеді. Облыс бойынша орталықтандырылған су тарту желілерімен 27 елді мекен қамтамасыз етілді. Сонымен қатар тазарту құрылыстары тек Көкшетау, Степногорск, Щучинск қалаларында, сондай-ақ Қосшы және Ақмол ауылдарында бар. Қалған елді мекендерде ағынды сулар сүзудің табиғи алаңдарына ағызылады. 2019 жылы тазартылған ағындардың үлесі 87,3%- ға жетті. Соңғы жылдары су тарту желілерін жөндеу және жаңғырту бойынша қабылданған шаралар нәтижесінде салада учаскелер мен желілердегі апаттылық төмендеді: 2014 жылғы 19 бірліктен 2017 жылғы 9 бірлікке дейін, 2018 жылғы 10 бірліктен 2019 жылы 5 бірлікке дейін. Биологиялық тазартудың толық тазарту құрылыстары Бурабай ауданының Көкшетау, Степногорск, Щучинск қалаларында және Целиноград ауданының Ақмол ауылында жұмыс істейді. Алайда, Көкшетау, Степногорск қалаларында, сондай-ақ Шантөбе және Аршалы кенттерінде биологиялық және механикалық тазарту станциялары 70-80 жылдары салынған, ғимараттардың тозуының үлкен пайызы бар, күрделі жөндеуді немесе толық ауыстыруды талап етеді. 2017 жылы 238,8 км және 2018 жылы 359,7 км кәріз желілерін ауыстыру қажет болды. жүктеу/скачать 4,19 Mb. Достарыңызбен бөлісу:
|