Қазақстан Республикасының Қылмыстық кодексi (Жоба) (қабылданды)
жүктеу/скачать 289,36 Kb.
|
Қазақстан Республикасының Қылмыстық кодексi (Жоба) (қабылданды)
| 209-бап. Бөтен адамның мүлкiн қасақана жою немесе бүлдiру
1. Едәуір зиян келтіріп, бөтен адамның мүлкiн қасақана жою немесе бүлдiру, - үш жүз айлық есептiк көрсеткiшке дейiнгi мөлшерде айыппұл салуға, не сол мөлшерде түзеу жұмыстарына, не екі жүз қырық сағатқа дейiнгi мерзiмге қоғамдық жұмыстарға тартуға, не төрт айға дейінгі мерзімге қамауға алуға жазаланады. 2. Дәл сол әрекеттер: а) өрт қою, жару арқылы немесе өзге де жалпы қауiптi әдiстермен жасалса; б) абайсызда денсаулыққа ауыр немесе орташа ауырлықтағы зиян келтiруге әкеп соқтырса; в) жәбiрленушiнiң өзiнiң қызметтiк немесе қоғамдық борышын орындауымен байланысты не өзiнiң жақын туыстары жөнiнде нақ сондай себептермен жасалса; г) әлеуметтiк, ұлттық, нәсiлдiк немесе дiни араздық себептер бойынша жасалса; д) ірі зиян келтірсе, - төрт мың айлық есептік көрсеткішке дейінгі мөлшерде айыппұл салуға, не сол мөлшерде түзеу жұмыстарына, не төрт жылға дейiнгi мерзiмге бас бостандығын шектеуге, не сол мерзімге бас бостандығынан айыруға жазаланады. 3. Осы баптың бірiншi немесе екiншi бөлiктерiнде көзделген: а) абайсызда адам өлiмiне; б) аса ірі зиян келтіруге әкеп соққан әрекеттер - үш жылдан жетi жылға дейiнгi мерзiмге бас бостандығынан айыруға жазаланады. 210-бап. Ерекше құндылығы бар заттарды қасақана жою немесе бүлдіру 1. Тарих, мәдениет ескерткіштерін, табиғи кешендерді немесе мемлекет қорғауға алған объектілерді, сондай-ақ ерекше тарихи, ғылыми, көркемдік немесе мәдени құндылығы бар заттарды немесе құжаттарды қасақана жою немесе бүлдіру, - үш жылдан жеті жылға дейінгі мерзімге бас бостандығынан айыруға жазаланады. 2. Дәл сол әрекеттер: а) өрт қою, жару арқылы немесе өзге де жалпы қауiптi әдiстермен жасалса; б) абайсызда денсаулыққа ауыр немесе орташа ауырлықтағы зиян келтiруге әкеп соқса; в) әлеуметтiк, ұлттық, нәсiлдiк немесе дiни араздық себептер бойынша жасалса, - бес жылдан он жылға дейінгі мерзімге бас бостандығынан айыруға жазаланады. 3. Осы баптың бiрiншi немесе екiншi бөлiктерiнде көзделген, абайсызда адам өлiмiне әкеп соққан әрекеттер - жеті жылдан он екі жылға дейiнгi мерзiмге бас бостандығынан айыруға жазаланады. 211-бап. Бөтен адамның мүлкiн абайсызда жою немесе бүлдiру 1. Абайсызда жасалған, ірі зиян келтірген бөтен адамның мүлкiн жою немесе бүлдiру - бір жүз айлық есептiк көрсеткiшке дейiнгi мөлшерде айыппұл салуға, не сол мөлшерде түзеу жұмыстарына, не бір жүз жиырма сағатқа дейінгі мерзімге қоғамдық жұмыстарға тартуға, не екі айға дейінгі мерзімге қамауға алуға жазаланады. 2. Отпен немесе өзге де аса қауiптi көздермен абайсыз жұмыс iстеу салдарынан болған не ауыр зардаптарға әкеп соққан немесе аса ірі зиян келтірген дәл сол әрекет, - екі мың айлық есептiк көрсеткiшке дейiнгi мөлшерде айыппұл салуға, не сол мөлшерде түзеу жұмыстарына, не екі жылға дейiнгi мерзiмге бас бостандығын шектеуге, не сол мерзімге бас бостандығынан айыруға жазаланады. жүктеу/скачать 289,36 Kb. Достарыңызбен бөлісу:
|