Ќазаќстан Республикасыныѕ Єылым жјне білім министірлігі
Азаматтық сот iсiн жүргiзудiң принциптерi
жүктеу/скачать 56 Kb.
|
- Бұл бет үшін навигация:
- Сот төрелiгiн тек қана соттың жүзеге асыруы
| Азаматтық сот iсiн жүргiзудiң принциптерi
Заңдылық Сот iстердi азаматтық сот iсiн жүргiзу тәртiбiмен шешу кезiнде Қазақстан Республикасы Конституциясының , осы Кодекстiң, басқа да нормативтiк құқықтық актiлердiң талаптарын дәлме-дәл сақтауға мiндеттi. Соттардың адам мен азаматтың Конституцияда баянды етiлген құқықтарына және бостандықтарына қысым жасайтын заңдар мен өзге де нормативтiк құқықтық актiлердi қолдануға құқығы жоқ. Егер сот қолданылуға тиiстi заң немесе өзге де нормативтiк құқықтық акт адам мен азаматтың Конституцияда баянды етiлген құқықтары мен бостандықтарына қысым жасайды деп тапса, ол iс бойынша iс жүргiзудi тоқтата тұруға және Конституциялық Кеңеске осы актiнi конституциялық емес деп тану жөнiнде ұсыныс жасауға мiндеттi. Сот Конституциялық Кеңестiң шешiмiн алған соң iс бойынша iс жүргiзу қайта басталады. Iстердi шешу кезiнде соттың заңды бұзуына болмайды және ол заңсыз сот актiлерiнiң күшiн жоюға әкеп соғады. Заңның бұзылуына кiнәлi судья заңда белгiленгендей жауапты болады. Сот iстi шешу кезiнде мемлекеттiк немесе өзге органның актiсi заңға сәйкес келмейдi немесе ол өкiлеттiктi асыра пайдаланып шығарылған деп тапқан жағдайда одан артық заң күшi бар құқықтық актiлердi қолданады. Даулы құқықтық қатынастарды реттейтiн құқық нормалары болмаған жағдайда сот ұқсас қатынастарды реттейтiн құқық нормаларын қолданады, ал мұндай нормалар болмаған жағдайда дауды заңдардың жалпы негiздерi мен мағынасын негiзге ала отырып шешедi. Егер заң актiлерiнде немесе дауласушы тараптардың келiсiмiнде тиiстi мәселелердi соттың шешуi көзделсе, сот бұл мәселелердi әдiлдiк пен парасаттылық өлшемдерiн негiзге ала отырып шешуге мiндеттi. Сот төрелiгiн тек қана соттың жүзеге асыруы Азаматтық iстер бойынша сот төрелiгiн азаматтық iс жүргiзу заңдарында белгiленген ережелер бойынша тек қана сот жүзеге асырады. Соттың билiктiк өкiлеттiлiгiн кiмнiң де болса иеленуi заңда көзделген жауаптылыққа әкелiп соғады. Төтенше, сондай-ақ өзге де заңсыз құрылған соттар шешiмiнiң заң күшi болмайды және орындалуға тиiстi емес. Өз қарауына жатпайтын iс бойынша азаматтық сот iсiн жүргiзудi жүзеге асырған, өз өкiлеттiгiн асыра пайдаланған немесе осы Кодексте көзделген азаматтық сот iсiн жүргiзу принциптерiн өзгеше түрде елеулi бұзған соттың шешiмдерi заңсыз болады және олардың күшi жойылуға тиiс. Азаматтық iс бойынша сот шешiмдерiн осы Кодексте көзделген тәртiппен тек тиiстi соттар ғана тексерiп, қайта қарай алады. жүктеу/скачать 56 Kb. Достарыңызбен бөлісу:
|