5.3.2.4. Қызметкерлерді жеке қорғау құралдарымен қамтамасыз ету тәртібі туралы әдістемелік нұсқаулар 5.3.2.4.1. Заңнамалық талаптарға және (немесе) ұйымдардың ішкі нормативтік құжаттарына сәйкес ЖҚК барлық қызметкерлерге белгіленген нормалар бойынша тегін беріледі.
5.3.2.4.2. ЖҚҚ негізгі мақсаты – адамды қауіпті және зиянды өндірістік факторлардың әсерінен қорғау, сондай-ақ қоршаған ортаның қолайсыз факторларынан қорғау немесе осы факторлардың азаюы.
5.3.2.4.3. Әдетте, қауіпті және зиянды өндірістік факторлардың әсер ету мүмкіндігін қондырғылар, машиналар мен жабдықтар, қолданылатын технологиялар, өндірісті ұйымдастыру немесе ұжымдық қорғаныс құралдары бойынша сындарлы шешімдер арқылы жоюға болмайтын жағдайларда қолданылады.
5.3.2.4.4. «ҚазМұнайГаз» ҰК АҚ компаниялар тобында арнайы киіммен, арнайы аяқ киіммен, жеке қорғау құралдарымен қамтамасыз ету жөніндегі корпоративтік стандартқа (KMG-ST-3407.1-13) сәйкес, қызметкерлерді ЖҚҚ-мен қамтамасыз ету, оның ішінде, ЖҚҚ сатып алуды жоспарлау, өтінімдерді ресімдеу, сақтау, беру, пайдалану, күту және кәдеге жарату тәртібі жүзеге асырылады.
5.3.2.5. Еңбекті қорғау жағдайын жақсарту жөніндегі іс-шараларды қаржыландыру 5.3.2.5.1. Қолданыстағы заңнамалық талаптарға сәйкес, ҚМГ компаниялар тобының ұйымы жыл сайын ұжымдық шартқа еңбекті қорғау жөніндегі келісімде көзделген іс-шараларды орындауға назар аудара отырып, еңбекті қорғауды жақсарту жөніндегі жұмысты жоспарлайды.
5.3.2.5.2. Еңбекті қорғау жөніндегі келісімдерді жоспарлау және орындау ұжымдық шартқа сәйкес жүзеге асырылады.
5.3.2.5.3. Ұйымдар жыл сайын еңбекті қорғау бойынша жоспарланған іс-шараларға қажетті қаражат бөлуі тиіс.
5.3.2.5.4. Ұйымдар еңбекті қорғау жөніндегі іс-шараларды орындауға арналған шығындардың құрамы мен құрылымын заңнамалық талаптарға, осы Стандартқа және уәкілетті органдардың талаптары бойынша ЕҚжЕҚ жөніндегі бірінші кезекті іс-шаралар бағдарламаларын әзірлеу жөніндегі ұсынымдарға сәйкес айқындайды.
