2. Мұғалім көшбасшылығын айқындау Функциялары мен міндеттері Мұғалім көшбасшылығының негізгі үш бағытын атап өтуге болады: • Оқушыларға немесе басқа мұғалімдерге көшбасшылық ету: әдіскер, коуч, тәлімгер,
тренер, оқу жоспарларын әзірлеуші маман, оқытудағы жаңа тәсілдерді әзірлеуші, зерт-
теу топтарының басшысы;
• Кезекті тапсырмаларды орындауды басқару: ұйымдастыру іс-шараларын өткізу және
оқу бөлімі меңгерушісінің, іс-әрекеттегі зерттеушінің, арнайы жұмыс тобы мүшесінің
рөлі арқылы мектепті алға қойылған мақсаттарға қарай ілгерілету үшін тиімді
жағдайларды қамтамасыз ету;
• Шешім қабылдау немесе әріптестік арқылы басқару: мектепті жетілдіру тобы-
на мүшелік, комитеттерге мүшелік, іскер адамдармен, жоғары оқу орындарымен,
жергілікті білім беруді басқару органдарымен және ата-аналар комитетімен әріптестікті
ұйымдастырушы.
Сонымен, көшбасшы-мұғалімдердің функциялары мынадай: • өзінің мұғалімдік қызметін үздіксіз жетілдіру;
• мектеп тәжірибесіне шолу жасауды ұйымдастыру және жүргізу;
• оқу бағдарламасын әзірлеу/дамыту жөніндегі біліммен қамтамасыз ету;
• мектепті басқаруға қатысты шешім қабылдауға қатысу;
• мектеп ішінде әріптестерінің біліктілігін арттыру;
• басқа мұғалімдердің тиімділігін бағалауға қатысу.
Мұғалім көшбасшылығының айқын көрініс тапқан және оқшауланған төрт сипаттамасы орныққан: 1. Бірінші сипаттама мұғалімдер мектепті жақсарту қағидаттарын жекелеген сыныптардағы
тәжірибеге көшіру тәсіліне қатысты. Бұл –
орындаушы функциясы, ол көшбасшы-
мұғалімнің негізгі міндеті. Ол мектеп ішіндегі байланыстардың беріктігіне және
мұғалімдерді саналы дамыту үшін барынша мол мүмкіндіктердің ұсынылуына кепілдік
береді.
2. Мұғалімнің көшбасшылығының екінші бағыты
қатысушы көшбасшылық түрінде
көрінеді, бұл ретте барлық ұстаздар өздерінің осы үдеріске қатыстылығын сезініп,
өзгеріс пен дамудың бір бөлігі болып табылады.
3. Үшіншісі – бұл
делдалдық функция. Көшбасшы-мұғалімдер – тәжірибе мен ақпараттың
маңызды көзі. Қажетті білімді олар сын тұрғысынан ойлау дағдыларын пайдаланып,
басқа көздер мен материалдардан ала алады немесе ұйымнан тыс көмек іздей алады.
