Бағдарламасы Түсіндірме жазба
жүктеу/скачать 0,84 Mb.
|
- Бұл бет үшін навигация:
- 15-параграф. II-жартыжылдық
| 14-параграф. I-жартыжылдық
Бала, оның отбасы, үйі: 1) баланың өзі және оның жағдайы туралы түсініктерін кеңейту; 2) баланың туыстық қатынастарын түсінуіне ықпал ету; 3) өз тегін, атын және жасын атай білуді қалыптастыру; 4) отбасы бейнеленген фотосуреттерді қарау, отбасы мүшелерін атау, олардың іс-әрекеттері мен өзара қарым-қатынастарын қалыптастыру. Заттық әлем: 1) балалардың заттық әлеммен өзара әрекеттесу дағдыларын әртүрлі тәсілдермен қалыптастыру; 2) қоршаған орта объектілерін ажырату және атау біліктерін жетілдіру; 3) қоршаған заттардың мақсаты, құрылымы, материалы арасындағы байланыс туралы түсінік қалыптастыру. Ересектердің еңбегі: 1) күзгі кезеңдегі ересектердің еңбегі және оның маңызы туралы түсінік қалыптастыру; 2) балабақша жұмысшылары мен қызметкерлерінің еңбегі туралы түсінік қалыптастыру; 3) еңбек нәтижелеріне құрметпен қарауға тәрбиелеу жатады. Менің Отаным – Қазақстан: 1) өз Отаны ретінде Қазақстан Республикасы туралы түсінік қалыптастыру; 2) мемлекеттік мерекелер туралы түсінік қалыптастыру (Тұңғыш Президент күні, Тәуелсіздік күні); 3) Қазақстан Республикасының астанасы туралы түсініктерді кеңейту; 4) мемлекеттік рәміздер (Ту) туралы білімді қалыптастыру, балаларды мемлекеттік рәміздермен (Елтаңба, Гимн) таныстыру, өз елінің рәміздеріне құрметпен қарауға тәрбиелеу. Күтілетін нәтижелер: өзі туралы және өзінің жағдайы туралы айтады; фотосуретте жақын туыстарын таниды және атайды; жақын маңдағы заттарды ажыратады және атайды, оларды әртүрлі тәсілдермен зерделейді; күзгі кезеңдегі ересектердің еңбегі туралы, балабақша жұмысшылары мен қызметкерлерінің еңбегі туралы түсінікке ие, ересектердің еңбек нәтижесіне құрметпен қарайды; өз Отаны ретінде Қазақстан Республикасы, астана, мемлекеттік мерекелер туралы түсініктері бар; мемлекеттік рәміздерді (Ту, Елтаңба, Гимн) біледі, өз елінің рәміздеріне құрметпен қарайды. 15-параграф. II-жартыжылдық 118. Қоршаған ортамен танысу. Бала, оның отбасы, үйі: 1) ата-аналардың кәсіби қызметі туралы білімдерін қалыптастыру; 2) туыстық қатынастар туралы білімдерін кеңейту: атасы, әжесі, ағасы, әпкесі, көкесі, тәтесі; 3) отбасының үлкен және кіші мүшелеріне құрметпен және қамқорлықпен қарауға тәрбиелеу; 4) отбасылық қатынастар мен отбасы мүшелерінің міндеттерін көрсететін іс-әрекеттерді ойнату. Заттық әлем: 1) айналадағы заттар, олардың қасиеттері мен мақсаты туралы түсініктерді кеңейту; 2) материалды ескере отырып, заттар мен объектілерді іріктеу, топтастыру, тану біліктерін қалыптастыру; 3) ойыншықтарға, кітаптарға, ыдыстарға ұқыпты қарауға тәрбиелеу. Ересектердің еңбегі: 1) көктемгі кезеңде ересектердің еңбегі және оның маңызы туралы түсінік қалыптастыру; 2) әртүрлі кәсіптегі адамдар, еңбек нәтижелерінің мазмұны, сипаты мен маңызы туралы түсінік қалыптастыру; 3) еңбек құралдары мен әртүрлі кәсіп құралдары, олардың мақсаты туралы түсінік қалыптастыру; 4) балабақша жұмысшылары мен қызметкерлерінің еңбегі туралы түсініктерін кеңейту, ересектердің еңбегіне құрметпен қарауға тәрбиелеу. Менің Отаным – Қазақстан: 1) өз Отаны ретінде Қазақстан Республикасы туралы түсініктерді кеңейту; 2) мемлекеттік және ұлттық мерекелер туралы түсініктерді кеңейту (Наурыз, Бірлік күні); 3) Қазақстанда тұратын әртүрлі ұлт өкілдері туралы түсінік қалыптастыру; 4) қазақтардың дәстүрлі тұрғын үйі, ұлттық стильде орындалған тұрмыстық заттар мен киім-кешек туралы білімдерін кеңейту; 5) қазақ халқының салт-дәстүрлері туралы түсінік қалыптастыру. Қазақстан Республикасының әскері: 1) Қазақстан әскері туралы, Отан қорғаушылар туралы және оның маңыздылығы туралы, әскердегі қызметі туралы бейне, фотосуреттер, картиналарды пайдалана отырып түсінік қалыптастыру; 2) Ұлы Отан соғысының ардагерлері туралы түсінік қалыптастыру; 3) Отан қорғаушыларға, Ұлы Отан соғысының ардагерлеріне құрметпен қарауға тәрбиелеу. Көлік: 1) қозғалыс ортасын (жер, ауа, су бойынша) ескере отырып, көлік құралдарын тану және атау дағдыларын қалыптастыру; 2) кейбір көлік құралдары туралы түсінік қалыптастыру және оларды басқаратын адамдардың мамандықтарымен таныстыру; 3) көлікте жұмыс істейтін адамдарға құрметпен қарауға тәрбиелеу. Жол қозғалысы ережелері: 1) бағдаршам сигналдарына сәйкес көшеден өту дағдыларын қалыптастыру; 2) жаяу жүргіншілерге арналған ережелер туралы, «жаяу жүргіншілер өткелі» жол белгісі туралы білімдерін кеңейту. Күтілетін нәтижелер: ата-анасының жұмыс орны туралы біледі, отбасылық қарым-қатынастарды және отбасындағы ересектердің еңбегін бейнелейтін әрекеттерді ойнайды; материалды ескере отырып, заттарды топтастырады; ойыншықтарға, кітаптарға, ыдыстарға ұқыпты қарау қажеттілігін түсінеді; көктемгі кезеңдегі ересектердің еңбегі туралы, әртүрлі кәсіптегі адамдар туралы, еңбек құралдары және құралдар мен олардың мақсаты туралы түсінікке ие, ересектердің еңбегіне құрметпен қарайды; өзінің Отаны ретінде Қазақстан Республикасы туралы біледі, мемлекеттік мерекелер туралы түсініктері бар; қазақтардың дәстүрлі тұрғын үйін (киіз үй), кейбір тұрмыстық заттар мен киімдерді біледі және атайды; Қазақстан әскері туралы, Отан қорғаушылар туралы түсінікке ие, Ұлы Отан соғысының ардагерлеріне құрметпен қарайды; көлік құралдарын жүріп-тұру ортасын, оларды басқаратын адамдардың кәсібін ескере отырып таниды және атайды, оларға құрмет көрсетеді; бағдаршам сигналдарын біледі және түсінеді, көшеде және жаяу жүргіншілер өткелінде жүріс-тұрыстың кейбір ережелері туралы түсініктері бар. жүктеу/скачать 0,84 Mb. Достарыңызбен бөлісу:
|