Біздің отбасы
Әкем – менің қауыншы, Апам – менің сауыншы, Ағам – менің егінші, Жеңгем – менің тігінші. Атам болса, ол ұста, Бәрі – бәрі жұмыста.
Отырмаймын мен текке. Кеттім мен де мектепке.
А.Сопыбеков
Жұмбақтар
Орақ болып туады,
Табақ болып тынады. (Ай)
|
Төрінде тұр нұр көзі, Жердің биік күмбезі.(Аспан)
|
Әлемнің бар екі күзетшісі; Бірі-күндіз тынығады,
Бірі-түнде тынығады. (Күн мен ай)
|
Үлкен алтын табақтан, Әлемге нұр таратқан.(Күн)
|
Бейнесі суда дірілдейді, Қармаққа бірақ ілінбейді (Ай)
|
Алып кілем - Гүлге толы
Үсті кілең. (Жер)
|
Күндіз білінбейді,
Түнде күлімдейді. (Жұлдыз)
|
Қоймасын қыс ақтарып, Жерді жапты ақ мамық. (Қар)
|
Тек өзі көрінбейді, Адамды тоңдырады Ызғары дірілдетіп, Есіңнен тандырады. (Аяз)
|
Қолы мен қаламы жоқ,
Бірақ сурет салады көп. (Аяз)
|
Суда қалқиды,
Жылыда балқиды. (Мұз)
|
Еш тесікке тұрмайды,
Ол жоқта жер құрғайды.(Су)
|
Күннің көзі түйілді, Көкте бұлт үйірілді
Сұйық моншақ шашылып,
Жерге нәр боп құйылды. (Тамшы)
|
Өртесең де ерімейді,
Не тот басып шірімейді, Өн бойына су сіңбейді.
Ылғал тартып, ірімейді. (Тас)
|
Шөміші жоқ, Теңізді сапырады, Кебісі жоқ,
Егінді жапырады. (Дауыл)
|
|
|
Достарыңызбен бөлісу: |
