V бөлім
Поэзия
Өлең де бір жас сәди емірендірер,
Оятып сезіміңді тебірендірер.
Әлішер Науаи
Сөз өнері туралы
Бұрынғылардан сөз қалған,
Таралып мақал болған:
«Сөйлеуші – егуші,
Тыңдаушы - орушы».
Мағыналы сөз естісем,
Көңілім менің де өседі.
Ұнатады жаным тыңдауды,
Шешенді, ақылды, көшелі.
Жайқалып егін шығады,
Бабымен дұрыс егілсе.
Өлең-жырда тартымды,
Қиюы сөздің келіссе.
Өріміндей қамшының,
Жымдасып әр сөз өрілсе.
Ой менен сөз қабысып,
Саф алтыннан терілсе.
Суреті көз алдыңа,
Айтылған ойдың көрінсе.
Мұратыма жетер едім,
Сөз мәні дұрыс берілсе.
Өз әлімше мен-дағы,
Сөз маржанын теруші.
Таспа тілген қас шебердей,
Мақсатым - болу өрімші.
***
Емеспін, мен сірә да, атақты ақиық ақын,
Ұнатамын бірақ та соларға жүргенді жақын.
Сұлу сөзді сүйген соң, өз әлімше мен де,
Ақындықтың атына ер салып, қысамын тақым.
Туған күн кешінің беташары
Оу, ағайын! Қуанышты бөлісетін шілдехана, той мұнда,
Бүгінгі күн туғандар бар болып сәби-шарана,
Пәк пейілмен құттықтаушы ізгі ниет туыстар,
Сіздер үшін бүгінгі күн үйіміз біздің тойхана.
Тойхана – үй дастарханы шын ниетпен жайылды,
Сіздерменен бөлісіп дәмді, бір болуды қалаймын,
Дастарханға ақ ниетпен ас мәзірі қойылды
Дәм-тамақтан, сусын-шараптан алыңыздар, ағайын.
Бұл тойда қабақта ешбір кірбің болмасын,
Тамылжыған ән салынып, шалқысын көңіл де,
Әңгіме, әзіл де ешбір ұмыт қалмасын
Жарасып туыстар, жүріңдер қызықты өмірде.
Достарыңызбен бөлісу: |
