Психотерапия - ауруды емдеу үшін қолданылатын ғылымға негізделген жүйелі психикалық әсер. Мұның негізі адамға ерекше, күшті әсер етуші – сөз . Бірақ психотерапияда сөзбен әсер етуден басқа да көптеген факторлар қолданылады.
Жалпы және арнайы психотерапия болады. Психотерапияның көптеген әсерлергін барлық маман дәрігерлері қолдануы керек. Тек кейбір арнайы түрлерін ( гиноз өзін-өзі жаттықтыру ) арнайы тәсілдерді игерген психотерапевтер жүргізуі керек.
Жалпы психотерапия: Бұл ауру адамға тікелей емес жанама әсер етеді. Ең алдымен жалпы психотерапияның қосымша бөлігі ретінде емдеу мекемелерінің қорғау режимін айту керек. Қорғау режимінің ерекшеліктері аурудың психологиясымен байланысты. Оларға жоғары түрдегі өкпешілдік, еркелік күмәншілдік тән. Психиканың мұндай ерекшеліктері бір жағынан осы адамның ауыруымен екінші жағынан қалыпты өмірінің бұзылып ауруханаға түсуімен баййланысты.
Рентгендік тексерудің ерекшелігі болады. Аурулар (әсіресе туберкулез, жара не ісігі бар ) осы тексеруді обьективті деп асыға күтеді. Бұл тексерудің алдында олар түні бойы ұйықтамай ал тексеру кезінде мазасызданып қобалжып, сақтанады.Сондықтан рентгенолог-дәрәгер емдеуші дәрәгер және мейіркеш өзара рентген бөлмесінде абайлап сөйлеуі керек. Аурудың көзінше дәрігерлік тұрғыдан пікір айтуға болмайды. Кез келген таныс емес сөзді ауру адам өзінше түсінеді. Дәрігердің “өкпесі мөлдір” екен деген сөзін ол қауіпті деп түсінуі мүмкін, егер ауру адам түсіндіруді сұраса оның бұл сұрауын орындау керек.
