Жаңа туған нәрестелер көпіршік (пемфигус) ауруы – өмірінің бірінші 2 аптасында жиірек дамиды. Мойнында, ішінде, аяқ-қолдарында –ішінде лайлы сұйықтығы бар әр түрлі көлемді (диаметрі 0,5-2,0 см) көпіршіктер шығады . Көпіршіктер
жеңіл жарылып, қансырайтын жаралы беткей пайда болады. Бөртпелер үсті-үстіне
шығуына байланысты полиморфты болады. Жаралы жерлердің эпителизациясы тез
жүреді, орнында боз-қызғылт дақтар ұзақ уақытқа қалады. Баланың жалпы-жағдайы
терідегі көп санды көпіршіктерге байланысты нашарлап, дене қызуы 38-39
о
С көтеріледі.
Бала әлсізденіп, емшектен бас тартып, салмақ қосуы нашарлайды.
Емдеу . Бірен-саран бөртпелер кезінде-жергілікті ем көрсетілген: стерильді ине
немесе қайшымен көпіршікті жарып, стерильді тампонмен сүртіп, эрозияны бриллиант
жасылымен өңдеу қажет. УКС тағайындалады. Ауыр ағымда қоздырғышқа сезімталдықты
ескере отыра – антибактериалды, дезинтоксикациялық, симптоматикалық және
витаминотерапия жүргізіледі.
Риттердің эксфолитивті дерматиті – бұл ауру-көпіршіктің ең ауыр түрі болып саналады. Ол сәбидің өмірінің алғашқы күндерінде дамып, ауыз немесе кіндік айналасындағы теріде қызарудың пайда болуымен сипатталады. Процесс денеге немесе
аяқ-қолдарға өте тез тарайды. Кейін эпидермистің астына экссудат жиналып, тез жарылып
көлемді жаралы беткей түзетін «көпіршік» дамиды. Аяқ-қолдарда тері көп бөлшектермен
түседі (ІІ дәрежелі күйікпен ауыратын науқас тәрізді). Болжамы жиі қолайсыз.
Емдеу . Жалпы ем сепсис кезіндегідей жүргізіледі. Жергілікті өңдеу келесі реттілік-
пен жасалады: стерильді ине немесе қайшымен көпіршікті жарып, стерильді мақта тампо-
нымен сүртіп, осыдан кейін эрозияларды метилен көгі немесе бриллиант жасылының сулы
ерітіндісі мен өңдеп, гормондық май жағылған салфеткамен жабады («Синалар»,
«Локакортен»).
