Ерітінділердегі иондық тепе-теңдіктің ауысуы
а) Екі пробиркаға 2–3 миллилитрден сірке қышқылын құйып, 3 тамшыдан метилоранж ерітіндісін тамызыңыз. Пробирканың біреуіне натрий ацетатының бірнеше кристалын салып, шайқаңыз. Екі пробиркадағы ерітінділердің түстерін салыстырыңыз. Ерітіндінің түсі неліктен өзгереді? Әрекеттесуші массалар заңын еске алып, болған құбылысты түсіндіріңіз. Тепе-теңдікті нашар диссоциацияланатын зат түзілетін бағытқа ауыстыру үшін, қышқыл ерітіндісіне қандай затпен әсер етуге болады?
ә) 1–2 мл магний хлориді ерітіндісіне 1–2 мл аммоний гидроксиді ерітіндісін құйып, осыдан түзілген тұнбаны екі пробиркаға бөліңіз. Пробирканың біреуіне тұз қышқылы, екіншісіне аммоний хлориді ерітіндісін құйыңыз. Тұнбаның еруіне назар аударыңыз. Магний гидроксиді түзілуінің, оның қышқылда және аммоний хлоридінде еруінің реакция теңдеулерін молекулалық және иондық түрде жазыңыз.
Достарыңызбен бөлісу: |
