зерттеу әдісі –
оқушыларды
айналадағы
құбылыстарды бақылап, ондағы заңдылықтарды тануға, өздігінен
қорытынды жасай білуге үйретуде зерттеу элементін қолдану.
Оқушының белсенділігін, қызығушылығын қалыптастырып, оның
ойын дамытуға, өздігінен ізденуге бағытталады.
Оқытудың ғылымилығы - нақты ғылыми білімдер беріп, дүниеге
көзқарасты қалыптастыратын дидактикалық қағидалардың бірі.
Оқытудың ғылымилығының мазмұнына тек айқын ғылыми фактілер
мен ақиқаттар алынады.
Оқытудың жүйелілігі – оқу материалы мазмұнының зерттелетін
ғылымының ішкі логикасы, сонымен бірге оқушылардың жас
ерекшеліктері мен психологиялық ерекшеліктеріне сәйкес келуін
талап ететін дидактикалық қағида.
Оқытудың көрнекілігі – оқытудың оқушылар қабылдаған нақты
бейнеге негізделуін талап ететін дидактикалық ұстаным. Оқытудың
көрнекілігі
оқушылардың
байқампаздықтары
мен
ойлау
қабілеттерін дамытады, оқытуды неғұрлым түсінікті етеді, оқу
материалын терең меңгеруге әсер етеді.
Оқытудың қызықтылығы – оқушылардың қызығушылығын
тудыру және оқуға ынталандыру мақсатында түрлі дидактикалық
құралдарды пайдалану. Ол сабақ барысында қызық мәліметтерді
келтірумен, жақсы ұйымдастырылған көрнекі және безендірілген
дидактикалық
материалдарды
пайдалану
арқылы
жүзеге
асырылады.
Оқытудың сыныптық-сабақ жүйесі – білім беру мекемелерінде
оқу сабақтарының ұйымдастырылуы. Оқушылар жеке сыныпқа
жасына және білім деңгейіне қарай топтастырылады. Оқудың негізі
– сабақ болады. Әр сыныпта оқыту мазмұны оқу жоспарымен және
бағдарламасымен анықталады. Сабақ оқу жоспарының негізінде
құрылған қатаң сабақ кестесімен өткізіледі. Сабақты сынып
бөлмесінде, оқу кабинеттерінде, шеберханаларда, оқу-тәжірибелік
үлескілерде өткізіледі. Бұл жүйе XVI ғасырда қалыптасты.
