№1 Зертханалық сабақ. Тақырыбы: Липидтердің қорытылуына панкреатидтік липаза мен өт қышқылдарының әсерін зерттеу. №76-жұмыс.
Мақсаты: Липидтердің қорытылуына панкреатидтік липаза мен өт қышқылдары тұздарының ролі туралы білімдерін бекіту.
Оқыту міндеттері: 1.Практикалық дағдыларды меңгеру: титрлеу әдісі және график салу.
2.Дұрыс қорытынды жасау арқылы алынған нәтижелерді интерпретациялау.
Өткізу формасы: Шағын топта жұмыс - №76-зертханалық жұмысты орындау және рәсімдеу.
Зертханалық жұмысты орындауға арналған тапсырма 1) Зертханалық жұмысты орындаудың алдында студенттермен титрлеу техникасын, алынған нәтижелерді кестеге енгізіп, график салуды талдау қажет. Студенттер зертханалық жұмысты орындаған кезде оқытушы студенттерді қажетті практикалық дағдыға үйрету мақсатымен олардың жұмысын бақылайды және түзетеді.
2)Жұмыс бойынша дұрыс қорытынды жасау.
Үлестірме материал: «Биохимиядан практикум»
Тақырыбы: Липидтердің қорытылуына панкреатидтік липаза мен өт қышқылдарының әсерін зерттеу. №76-жұмыс.
Принципі: Липаза триацилглицериндердің глицерин мен жоғарғы май қылқылдарына гидролизденуін катализдейді. Түзілген май қышқылдарының сандық мөлшері бойынша липазаның активтілігін анықтауға болады. Өт қышқылдары мен олардың тұздары ұйқы безі липазасының активаторлары болып табылады.
