Тұтас педагогикалық процесс(ТПП)

   Педагогика ғылымы өзінің пәнін зерттей отырып, оқыту – тәрбиелеу процесінің теориясын жасайды. Теориялық білімге ұғым (категория), заңдар, заңдылықтар жатады, оларды зерттеу теорияны жасауға және оқыту – тәрбиелеу жұмысын, педагогикалық процесті ұйымдастыру әдістеріне бағыт береді.

И.Я.Лернердің анықтамасы бойынша "білімнің мазмұны дегеніміз

оқушыға берілетін білім, іскерлік және дағды жүйесі, шығармашылық іс-әрекет, эмоциялық қарым-қатынас тәжірибесі".

Ең бастысы, білімнің мазмұны жеке тұлғаны жан-жақты үйлесімді дамыту керек.

Білім құрылымы төрт бөліктен тұрады

Білім жалпы білімнің мазмұнындағы негізгі элемент, болмысты тану

табиғат

қоғам және ой заңдарын ашу нәтижесі

әлеуметтік-тарихи тәжірибе процесінде адамдардың жинаған тәжірибесі.

Білім мазмұнының түрлері:

күнделікті болмыс туралы негізгі ұғымдар, терминдер және ғылыми білімдер;

көзқарастарды дәлелдеуге керекті күнделікті өмірден және ғылымнан алынған фактілер;

болмыстың әртүрлі объектілері және құбылыстары арасындағы байланыстарды көрсететін ғылымның негізгі заңдары;

белгілі бір объектілер, олардың арасындағы байланыс туралы ғылыми білімдер;

ғылыми іс-әрекет тәсілдері, таным әрекеті және ғылыми білімді алу тарихы туралы білімдер;

әртүрлі өмір құбылыстарын бағалау нормалары туралы білімдер.