Аулада тазартушының еңбегін бақылау Тақпақ Еңбек сүйсең, жасыңнан,
Бақыттысын, жас ұлан –
Дейді атам ылғи да,
Сипап менің басымнан.
Бақылау: Аула тазартушының еңбегін бақылау. Еңбек қимылын көру (қар күреу, белгілі бір жерге лақтыру, жолдарды сыпыру). Үлкендердің еңбегін бағалауға тәрбиелеу,көмектесуге ынталандыру.
Қимылды ойын: «Жүгір, отыр, жүгір» Балаларды белгі бойынша үйрету, «отыр», «жүгір» ойын шартын сақтау. Балалардың кеңістікте бағыт-бағдарын тездетуге үйрету.
Еңбек: Аулада үлкендерге көмек беру. Еңбектің маңыздылығын білу. Ойын барысында мадақтау, шапшаңдығын дамыту. Татулық қарым - қатынасқа тәрбиелеу.
Өз бетімен ойындар: Бірлескен іс-әрекет барысында ереже мен тәртіп нормаларын белсенді қолдана білуге ынталандыру.
Ортаңғы топ
№ 15
Ағаштарды бақылау (қайың, үйеңкі, терек) Жұмбақ Ақ көйлекті, көк желек,
Орманда орны бір бөлек.
Әннің аты деседі,
Сызды жерде өседі.
(Қайың)
Бақылау: Ауладағы ағаштарды қарап шығу. Барлық ағаштардың бұтақтарында бүршік бар және олар әр түрлі екендігіне назар аудру. Ағаштың бұтағы мен діңдерін салыстыру. Ағашты қастерлеуге, күте білуге тәрбиелеу.
Қимылды ойын:«Кім бірінші жүгіріп келеді» Балаларды тез және белгі бойынша жүгіруге үйрету. Кедергі жасамай өзінің орнына қайтып келіп тұру, есте сақтау қабілетін дамыту.
Еңбек:«Ағаштың жан-жағын қопсыту» Берілген жеке тапсырмаларды орындауға үйрету.Тәрбиешіге көмек беруге ынталандыру.
Өз бетімен ойындар: Ойын барысында балалардың бір-бірімен қарым-қатынас жасауын қадағалау, олардың іс-әрекеті мен қылықтарын білдіру, өз ойын іске асырту.
