ҰЛЫ ДАЛА тарихы
112
мүсіндерді тудырды. Түрк дәуіріндегі мүсіндеу өнерінің үлгілері – тас мүсіндер
мен заттық бұйымдардағы бейнелердің таралу кеңістігінің ауқымдылығы, әрі
оларды түгел қамтудың мүмкін еместігін ескере келе, түрктердің тотемі – бөрі
бейнесі мен мүсіндеу өнерінің көркем үлгілері жинақталған – Шивээт-улаан
ғұрыптық кешеніндегі қой, арыстан, адам мүсіндерін және билік символы –
таутеке таңбасы мен құс рәмізіне этномәдени талдау жасауға тоқталдық. Түрк
дәуірінің мүсіндеу өнерінен хабар беретін Шивээт-улаан ғұрыптық кешенінде 11
адам мүсіні, 8 арыстан мүсіні, 6 қой мүсіні, 3 дана тас мүсіннің бас бөлігі және
байырғы таңбалар қашалған «Мәңгі тас» секілді құнды артефактілер табылды.
Аталған құнды мұраларда байқалатын аң стилінің нышандарын алдыңғы сақ,
ғұн және үйсін халықтарының деректерімен салыстыра отырып, ортақтығы мен
ерекшеліктерін ажыратуға мүмкіндік аламыз.
Достарыңызбен бөлісу: 
