Дәріс № Азық – түлік өнімдерінің қауіпсіздігі
жүктеу/скачать 17,44 Kb.
|
3 Лекция безопасность ПП каз
|
Дәріс № 3. Азық – түлік өнімдерінің қауіпсіздігі 80-ші жылдардың соңында және 90-шы жылдары ЕО, BSE-ні қоса алғанда тамақ қауіпсіздігіне және бірқатар өнімдер бойынша химиялық және микробиологиялық улануға байланысты бірсыпыра дағдарысты жағдайларға ұшырады. Осыған мүдделі кейбір тараптардың көмегімен, баспасөзде кеңінен жария етудің нәтижесінде, бұл көптеген тамақ өнімдерінің қауіпсіздігіне және тамақ қауіпсіздігі туралы заң негізделетін жүйеге жұртшылық сенімінің едәуір жоғалуына әкеп соқты. Нәтижесінде тамақ қауіпсіздігін қамтамасыз ету жөніндегі жүйе, ЕО-ның және жекелей алғанда әрбір мемлекеттің деңгейіндегі саясат, қауіпсіздік жөніндегі сапалық және сандық стандартарды егжей-тегжейлі жүйелей отырып, олардың базасы болып табылатын ғылыми негіздеме және әзірленген кездегі транспаренттілігі толық қайта қаралатын болды. Тамақ қауіпсіздігі, тұтынушыны таңдау және «Бірыңғай нарықтың» тиімді жұмыс істеуі ЕО саясатының орталық негізі болып табылады. Осы мақсаттарға қол жеткізу үшін тамақ өнімдері жөніндегі заңнаманың күрделі және түбегейлі құрылымы талап етіледі. Тұтынушылардың сеніміне ықпал еткен көптеген мәселелердің ауыл шаруашылығы шикізат өнімінің улануы және тамақ орамаларынан химикаттардың жұғуы салдарынан пайда болу фактісін мойындай отырып, тамақ өнімдері жөніндегі ЕО заңы тамақ өнімдерімен жабдықтау тізбегіне интеграциялау ұстанымын қолданады. Демек, ол мал жемшөбін, бастапқы ауыл шаруашылығы өнімдерін өндіруден (жануарлар мен өсімдіктер әлемінің денсаулығы мен салауаттылығын қоса алғанда), өнім құрамынан, оны өңдеуден, сақтау мен тасымалдаудан бастап, бөлшек саудада сатуға дейінгі барлық секторды қамтиды. Тамақ өнімдері жөніндегі ЕО заңы тәуелсіз ғылыми консультацияға негізделеді, ол кейде ықтимал қауіптің бар екендігін дәлелдейді, бірақ ғылыми растығын белгілей алмайды. Мұндай жағдайларда ЕО неғұрлым сенімді ғылыми дәлелдеме алғанға дейін «шартты» деп есептелетін, СФК-ның 5(7)-бабына сәйкес «ескерту принципін» қолданады. ЕО-ға тамақ өнімін экспорттауға дейін ел өзінің санитарлық және фитосанитарлық регламенттері, инспекция рәсімдері мен ұсынылған жоба бойынша қатерлерді бағалау туралы анық, ең жаңа ақпаратты беруге тиіс. Тамақ өнімі және Ветеринария жөніндегі офис қажетті тетіктердің болуына баға береді, сондай-ақ ақпаратты растау үшін жергілікті жерлерде таңдап тексеруді жүргізе алады. Пестицидтер, ветеринарлық препараттар мен зооноздар құрамы бойынша ЕО талаптарына сәйкетікті растау үшін бақылаудың толық жоспарына қолдануға ерекше мән беріледі. Тамақ өнімін өндіру және өткізу тізбегіне қатысатын барлық кәсіпорындарда Зияндылықты Талдау және Критикалық Бақылау Нүктесі және Гигиеналық Практика кодексінің принциптеріне негізделген сапа мен бақылауды басқарудың тиісті жүйесі болуға тиіс. Алайда, ЕО белгілі бір ережелер немесе рәсімдер қызметтің қандай бір түріне релевантты немесе бейім емес болған жағдайларда икемділік қажет екенін толық таниды. ЕО-ның көптеген сауда тұтынушылары өз жеткізушілерінен тамақ өнімінің танылған халықаралық стандарттарын қосымша түрде күтеді. Тамақ өнімімен байланысқа түсетін үй-жай мен жабдық, сақтау және тасымалдау үшін резервуарларды қоса алғанда, таза және толық күтім көрсететіндей болуға тиіс. Олардың дизайны, конструкциясы мен функционалдығы тиісті қызмет көрсету, тазалық/дизенфекция және гигиеналық іс-қимылдар үшін мүмкіндік туғызуға тиіс. Осының бәрі тегіс, оңғақ емес, тот баспайтын және уытты емес материалдарды пайдалануды қажет етеді. Тамақ өнімінің залалдануын болдырмау үшін ауызсу пайдаланылуға тиіс. Өнімдер ластанудан және паразиттердің кіріп кетуінен қорғалуға тиіс. Қажет жағдайда температураны бақылау және сақту үшін тиісті тетіктер мен жағдайлар жетімді болуға тиіс. Кейбір өнімдер үшін микробиологиялық критерий сақталуға тиіс. Персоналға тиісті санитарлық және басқа да жағдайлар ұсынылуға тиіс. Штат өздерінің міндеттеріне сәйкес гигиена мәселелері бойынша оқып үйренген және бақыланатын болуға тиіс. Тамақ өнімі саласындағы кез келген қызметкер жеке бас гигиенасының жоғары дәрежесін сақтап, ыңғайлы, таза және қорғаныш киімді киюге тиіс. Қандай бір аурулардан немесе жарақаттардан зардап шегетін қызметкерлер тікелей немесе жанама жұқтыру қатері болған кезде тамақ өнімдерімен жұмыс істемеуге тиіс. Әдебиеттер: 1 Донченко, Л.В. Безопасность пищевой продукции / Л.В.Донченко, В.Д.Надыкта. – М.:Пищепромиздат, 2001. – 296с.2 Общая технология пищевых производств. Л.П. Ковальский. М.Колос. – 1997 –320 стр. 3 Химический состав и пищевая ценность продуктов [Текст]: справочник. М.Н.Волгарева. – М.: Агропромиздат, 1987. – 360 с. 4 Рогов, И.А. Химия пищ / И.А.Рогов, Л.В.Антипова, Н.И.Дунченко. – М.: Колос С, 2007. – 853с 5 Голубев, В.Н. Пищевая биотехнология / В.Н. Голубев, И.Н. Жиганов. – М.: Делипринт, 2001. – 123с. жүктеу/скачать 17,44 Kb. Достарыңызбен бөлісу:
|